24 ناۋرىز كۇنى ساعات 22.20-دا نۇر-سۇلتان قالاسىندا تاعى ءبىر ادامانان كوروناۆيرۋس تابىلدى. بۇل تۋرالى دەنساۋلىق ساقتاۋ مينيسترلىگى حابارلادى.
بۇعان دەيىن 24 نارۋىزدا 7 ادامنان ۆيرۋس تابىلعان بولاتىن. وسىلايشا ەلدە ىندەت جۇقتىرعان ازاماتتار سانى 70-كە جەتىپ وتىر. ءقازىر نۇر-سۇلتاندا – 36 ادام، الماتى قالاسىندا – 29 ادام، قاراعاندى قالاسىندا – 2 ادام، الماتى وبلىسىندا – 1 ادام، اقتوبە وبلىسىندا – 1 ادام، شىمكەنت قالاسىندا –1 ەمدەلىپ جاتىر.
قازاقستاندا كوروناۆيرۋس جۇقتىرعاندار العاش رەت 13 ناۋرىزدا انىقتالدى. كەيىن، ۆيرۋس جۇقتىرعاندار سانى سەگىزگە جەتكەن كەزدە پرەزيدەنت توقايەۆ ەلدە 15 ساۋىرگە دەيىن توتەنشە جاعداي جاريالاعان بولاتىن. ال 19 ناۋرىزدان باستاپ ەلدىڭ ەكى ءىرى قالاسى – الماتى مەن نۇر-سۇلتان كارانتينگە جابىلدى.
