6 ساۋىردەن باستاپ وسكەمەن مەن سەمەي قالاسىندا ادامداردىڭ ءجۇرىپ-تۇرۋى شەكتەلەدى. وعان قالا تۇرعىندارى تۇسىنىستىك تانىتۋدا.
ەكى قالا تۇرعىندارى كوروناۆيرۋستىق ينفەكسيانىڭ تارالۋىنا جول بەرمەۋ ماقساتىندا وزدەرىن وقشاۋلاۋعا كوشتى.
بۇگىندە قالا كوشەلەرىندە جۇرگىنشىلەر سانى ازايدى. ال كوشەلەردە ارنايى كولىكتەر عانا ءجۇرىپ جاتىر.
تۇرعىندار قاجەتتىلىك تۋىنداعان جاعدايدا تۇرعىلىقتى مەكەنجايى بويىنشا ازىق-تۇلىك دۇكەندەرى مەن ءدارىحانالارعا، سونداي-اق بانك بولىمشەلەرىنە بارا الادى. سونىمەن قاتار ادامدار قوعامدىق كولىكتەرمەن (اۆتوبۋستار مەن ترامۆايلار) قاتىناي الادى.
ەستەرىڭىزگە سالا كەتەيىك، 6 ساۋىردەن باستاپ وسكەمەندىكتەر مەن سەمەيلىكتەر ۇيدەن شىعۋ ءۇشىن رۇقسات قاعازدارىن الۋى كەرەك. وسى ورايدا جاسىل رۇقساتناما ايدىڭ جۇپ كۇندەرىنە عانا جارامدى بولسا، اق رۇقساتناما تاق كۇندەرىنە ارنالعانىن اتاپ وتكەن ورىندى. مۇنداي رۇقساتنامالار جەكە اۆتوكولىكتەردىڭ جۇرگىزۋشىلەرىنە دە بەرىلەدى.
قالا ىشىندە قاتىنايتىن قوعامدىق كولىكتەر ساعات 06.00-دەن 19.30 ارالىعىندا جۇرەتىن بولادى.
تۇپتەپ كەلگەندە، بۇل شارالاردىڭ بارلىعى كوروناۆيرۋستىق ينفەكسيانىڭ تارالۋىنا جول بەرمەۋ ءۇشىن جاسالىپ جاتقانىن اتاپ وتكەن ورىندى.
پىكىر قالدىرۋ