الماتى قالاسى تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى ايزات مولداعاسىموۆا مەگاپوليستەگى ەپيدەميولوگيالىق جاعدايدىڭ جاي-كۇيىن ونلاين بريفينگتە باياندادى.

– بۇگىنگى كۇنى تىركەلگەن 119 جاعداي بويىنشا 35 ناۋقاس اۋرۋدى شەتەلدەن جۇقتىرىپ كەلگەن بولسا، 67 ناۋقاس وسى ينفەكسيا جۇقتىرعاندارمەن بايلانىستا بولعان. ولاردىڭ ءبارى ءوز ۋاقىتىندا ءتيىستى پروۆيزورلىق جانە ينفەكسيالىق ستاسيونارلارعا وقشاۋلانىپ، قازىرگى كەزدە ەم الۋدا. سونداي-اق جەرگىلىكتى جەردە 6 ادام ينفەكسيا جۇقتىرسا، ولارمەن بايلانىستا بولعان 11 ادامدا كوروناۆيرۋس تىركەلگەن. وعان قوسا، ءبىر ءۇيدىڭ 4 ادامى وسى ينفەكسيانى اكەسىنەن جۇقتىرعان دەگەن دەرەك بار. ءبىراق دەر كەزىندە بولەكتەپ، وقشاۋلاۋ قولدانىلعاندىقتان ينفەكسيانىڭ ءوسىمى تەجەلدى، – دەدى ايزات مولداعاسىموۆا.

ول ۆيرۋسپەن اۋىرعان ناۋقاستاردىڭ جاس ەرەكشەلىگىن جىكتەپ ايتتى. وسىعان دەيىن كوروناۆيرۋسپەن اۋىرعانداردىڭ باسىم كوپشىلىگى 20، 29، 30، 39 جاستاعى ازاماتتار بولسا، ءقازىر بۇل كورسەتكىش وزگەرىپ جاتقانىن اتاپ ءوتتى.

ونىڭ ايتۋىنشا 50-59 جاستاعى ادامداردىڭ اۋرۋ دەرەگى كوبەيۋدە. ودان بولەك، 30-دان 39 جاسقا دەيىنگى ادامدار اراسىندا ينفەكسيا جۇقتىرۋ دەرەگى 7-دەن 21 جاعدايعا دەيىن ارتقان.

– بۇگىنگى كۇنى ينفەكسيا وشاعىنىڭ سانى 39-عا ازايدى. ەستەرىڭىزگە سالا كەتسەك، ماۋسىم باسىندا 54 وشاق تىركەلگەن بولاتىن.  ستاسيونارلىق كارانتيندەگى 189 اداممەن تىعىز بايلانىستا بولعان 12 555 ادام سىناقتان وتكىزىلسە، سونىڭ 119-ى وڭ ناتيجە بەردى، – دەپ ايتتى دەپارتامەنت باسشىسى.