الماتى قالاسىنىڭ اكىمدىگىنىڭ باسپا ءسوز ورتالىعىندا قالالىق موبيلدىلىك باسقارماسىنىڭ باسشىسى ساعىندىق تەلىبايەۆ قالادا قوعامدىق كولىكتە جولاۋشىلار ازايعانىن ونلاين بريفينگ ايتتى.

– الماتى قالاسىندا كارانتين ءتارتىبىنىڭ ەنگىزىلۋىنە جانە بارلىق ۇيىمداردىڭ جۇمىس ۋاقىتىنىڭ قىسقارۋىنا بايلانىستى قوعامدىق كولىكتىڭ جۇمىس ۋاقىتىن ساعات 19.00-گە دەيىن قىسقارتۋ تۋرالى شەشىم قابىلدانعان ەدى. سوڭعى اپتادا جولاۋشىلار اعىنىنىڭ 80%-دان استامىنىڭ ازايعانى بايقالدى، – دەپ اتاپ ءوتتى ساعىندىق تەلىبايەۆ.

باسقارما باسشىسىنىڭ ايتۋىنشا، بۇگىندە 114 باعىت بويىنشا 991 اۆتوبۋس قىزمەت كورسەتىپ ءجۇر. ءبىر اۆتوبۋستاعى ورتاشا جولاۋشىلار اعىنى كۇنىنە 107 ادامدى قۇرايدى. وسىلايشا، ءبىر رەيستەگى جولاۋشىلار اعىنى 25 ادامنان اسپايدى. بۇل جولاۋشىلار اراسىنداعى قاجەتتى ءقاۋىپسىز قاشىقتىقتى قامتاماسىز ەتەدى.

– جالپى، قالا بويىنشا قوعامدىق كولىكتە كوروناۆيرۋستىق ينفەكسيانىڭ تارالۋىنىڭ الدىن الۋ ءۇشىن "الماتى قالاسىنىڭ دەزينفەكسيا ورتالىعى" شجق رمك، "نۇر تانسىق" ج ش س جانە "IC Development" ج ش س مامانداندىرىلعان كومپانيالارىمەن بارلىق اۆتوبۋستاردا دەزينفەكسيالاۋ جۇمىستارى تۇراقتى تۇردە جۇرگىزىلىپ وتىر. ماسەلەن، سالونداردى دەزينفەكسيالاۋ تۇنگى ۋاقىتتا بارلىق 16 اۆتوپاركتە جۇرگىزىلەدى. شاناقتى جۋعاننان كەيىن سالوندى ىلعالدى جيناۋ جۇرگىزىلەدى، سودان كەيىن بارىپ دەزينفەكسيا جۇمىسى باستالادى. اۆتوبۋستاردىڭ ەسىكتەرى مىندەتتى تۇردە جابىلادى. كۇندىزگى مەزگىلدى ءاربىر سوڭعى ايالدامالاردا اۆتوبۋس بىتكەننىڭ سالوندارىن دەزينفەكسيالاپ وتىراتىن ءموبيلدى سانيتارلىق وڭدەۋ پوستتارى جۇمىس ىستەيدى، – دەدى سپيكەر.

ول قالاارالىق جانە قالا ماڭىنداعى مارشرۋتتاردىڭ جۇمىسى توقتاتىلعانىن جانە توتەنشە جاعداي رەجيمى اياقتالعاننان كەيىن عانا قالانى قالپىنا كەلتىرۋ جوسپارلانعانىن اتاپ ايتتى.

– سونىمەن قاتار، مەتروپوليتەندەگى جولاۋشىلار اعىنى دا 90%-عا تومەندەدى. سوعان قاراماستان، مەترودا كۇن سايىن شتاتتىق رەجيمدە 4 جىلجىمالى قۇرام جۇمىس ىستەپ جاتىر. سوڭعى دەپولاردا ۆاگوندارعا دەزينفەكسيا جۇرگىزىلەدى. ستانسالار ءاربىر 2 ساعات سايىن، ۆاگوندار ءاربىر رەيس سايىن دەزينفەكسيالانادى، – دەدى س. تەلىبايەۆ.

بريفينگتە باسقارما باسشىسى جۇرگىزۋشىلەر جالاقىسىنىڭ وزگەرىسسىز قالعانىن، سونىمەن قاتار تاڭەرتەڭ ءاربىر جۇرگىزۋشىنىڭ جۇمىس باستالار الدىندا دەنە قىزۋى مەن جالپى جاعدايى تەكسەرىلەتىنىن قاداپ ايتتى.

–ەگەر قىزمەتكەر ءوز دەنساۋلىعىنا شاعىمدانسا، وندا كوروناۆيرۋستىق ينفەكسيانىڭ تارالۋىن بولدىرماۋ ءۇشىن مىندەتتى تۇردە جەدەل جاردەم شاقىرىلادى. بارلىق قىزمەتكەرلەر بەتپەردە جانە قولعاپتارمەن تولىق قامتاماسىز ەتىلگەن. وسى ورايدا مەن قوعامدىق كولىكتى پايدالاناتىن بارلىق جولاۋشىلارعا ۇيگە كەلگەن كەزدە قولدارىن مۇقيات جۋىپ، بارلىق قاۋىپسىزدىك شارالارىن ساقتاۋعا شاقىرامىن، – دەپ ساعىندىق تەلىبايەۆ ءسوزىن تۇيىندەدى.