الماتى قالاسى بويىنشا ەڭبەك، الەۋمەتتىك قورعاۋ جانە كوشى-قون دەپارتامەنتىنىڭ باسشىسى ايدىنجان نارماتوۆ ءساۋىر ايىنان باستاپ الماتىلىق 589 مىڭ ادامعا زەينەتاقى مەن جاردەماقى بەرىلەتىنىن مالىمدەدى.

سپيكەر قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيستىرىنىڭ 2020 جىلعى 25 ناۋرىزداعى № 109 بۇيرىعىمەن بەكىتىلگەن توتەنشە جاعداي كەزەڭىندە الەۋمەتتىك-ەڭبەك سالاسىنداعى كەيبىر مەملەكەتتىك قىزمەتتەردى كورسەتۋ قاعيدالارىنىڭ، توتەنشە جاعداي كەزەڭىندە مۇگەدەكتىگى بويىنشا مەملەكەتتىك الەۋمەتتىك جاردەماقىنى جانە ەڭبەك ەتۋ قابىلەتىنەن ايىرىلۋ جاعدايىنا الەۋمەتتىك تولەمدى جۇزەگە اسىرۋ ءتارتىبىنىڭ ەرەكشەلىكتەرىن ءتۇسىندىرىپ بەردى.

– وزدەرىڭىز بىلەتىندەي، توتەنشە جاعداي كەزەڭىندە مەملەكەتتىك قىزمەتتەردى كورسەتۋ «ەلەكتروندىق ۇكىمەت» ۆەب-پورتالىنداعى «ەلەكتروندىق ءوتىنىش» سەرۆيسى ارقىلى ەلەكتروندىق ءوتىنىش نەگىزىندە جۇزەگە اسىرىلادى. سوندىقتان مەديسينالىق-الەۋمەتتىك ساراپتاما بولىمىنە بارۋدىڭ قاجەتى جوق، مەملەكەتتىك قىزمەت سىرتتاي جۇرگىزىلەدى، – دەدى ا. نارماتوۆ.

ول "مەديسينالىق-الەۋمەتتىك ساراپتاما جۇرگىزۋ قاعيدالارىن بەكىتۋ تۋرالى" قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاڭتارداعى № 44 بۇيرىعىمەن بەكىتىلگەن مەديسينالىق-الەۋمەتتىك ساراپتاما جۇرگىزۋ قاعيدالارىنا سايكەس كۋالاندىرىلاتىن ادامدى مۇگەدەكتىك بەلگىلەنگەن كۇننەن باستاپ التى اي ىشىندە باقىلاپ تەكسەرىپ، ءبىر جىلدان اسپايتىن مەرزىمگە سىرتتاي جۇرگىزەتىنىن اتاپ ءوتتى.

ايدىنجان جاڭابەردى ۇلىنىڭ ايتۋىنشا، قايتا كۋالاندىرۋ مەرزىمى توتەنشە جاعداي ەنگىزىلگەنگە دەيىن ءبىر ايدان اسپايتىن مەرزىم ىشىندە جانە توتەنشە جاعداي ۋاقىتىندا كەلگەن ادامدارعا مۇگەدەكتىكتىڭ، جالپى ەڭبەك ەتۋ قابىلەتىنەن ايىرىلۋ دارەجەسىنىڭ، كاسىپتىك ەڭبەك ەتۋ قابىلەتىنەن ايىرىلۋ دارەجەسىنىڭ جانە مۇگەدەكتى وڭالتۋدىڭ جەكە باعدارلاماسىنىڭ مەرزىمدەرى توتەنشە جاعداي ورىن العان كەزەڭدە اۆتوماتتى تۇردە ۇزارتىلادى ەكەن.

– مۇگەدەكتىگى بويىنشا مەملەكەتتىك الەۋمەتتىك جاردەماقى جانە (نەمەسە) ەڭبەك ەتۋ قابىلەتىنەن ايىرىلۋ جاعدايىنا الەۋمەتتىك تولەم الۋشىلار بولىپ تابىلاتىن ادامدارعا توتەنشە جاعداي كەزەڭىندە تولەمدەر بۇدان بۇرىن بەلگىلەنگەن مۇگەدەكتىك توبىنا جانە (نەمەسە) جالپى ەڭبەك ەتۋ قابىلەتىنەن ايىرىلۋ دارەجەسىنە سايكەس توتەنشە جاعداي رەجيمى اياقتالعان ايدى قوسا العانعا دەيىن تولەنەدى، – دەپارتامەنت باسشىسى.

سونىمەن قاتار دەپارتامەنت باسشىسى 2020 جىلدىڭ 1 ساۋىرىنە دەيىن تاعايىندالعان جاسى مەن ەڭبەك ءوتىلى بويىنشا زەينەتاقى تولەمدەرىنىڭ مولشەرى 2020 جىلدىڭ 1 ساۋىرىنەن باستاپ الىنعان سومانىڭ 5%-ىنا ارتادىتىنىن اتاپ ءوتتى.

– مەملەكەتتىك بازالىق زەينەتاقى تولەمىنىڭ جانە باسقا دا مەملەكەتتىك الەۋمەتتىك جاردەماقىلاردىڭ، مەملەكەتتىك ارنايى جاردەماقىلاردىڭ مولشەرى ەڭ تومەنگى كۇنكورىس دەڭگەيى مەن ايلىق ەسەپتىك كورسەتكىشتىڭ ۇلعايۋىنا بايلانىستى ءبىرىنشى ساۋىردەن باستاپ وسەتىن بولادى، – دەپ ايدىنجان نارماتوۆ ءسوزىن قورىتىندىلادى.