شاھار باسشىسى باقىتجان ساعىنتايەۆ الماتى اۋرۋحانالارىنداعى جاساندى وكپە ۆەنتيلياسيا اپپاراتتارىن تەكسەرۋدى تاپسىردى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.
بۇگىندە مەگاپوليس ەمحانالارىندا وسىنداي 625 مەديسينالىق جابدىق بار. قالالىق جەدەل شتاب وتىرىسىندا قالا اكىمى بارلىق اپپاراتتى ناۋقاستار مەن COVID-19 ينفەكسياسىن جۇقتىرعاندارعا قولدانۋ كەرەكتىگىن ايتتى.
سونداي-اق، شاھار باسشىسىنىڭ سوزىنشە ءقاۋىپتى ىندەتكە ساراپتاما وتكىزەتىن ورتالىق ماماندارى تولىقتاي قورعانىس قۇرالدارىمەن قامتاماسىز ەتىلۋى قاجەت. توتەنشە جاعداي جانە كارانتين كەزىندە شتاب 8 باعىت بويىنشا جۇمىس ىستەيدى.
اتاپ ايتقاندا، دەزينفەكسيا جۇمىستارىن قاداعالاۋ، قوعامنىڭ قاۋىپسىزدىگى، ازىق-تۇلىكپەن قامتۋ، تۇرعىنداردى حاباردار ەتۋ جانە دەنساۋلىق سالاسىن دامىتۋ سىندى قىزمەتتەر اتقارادى. شتاب جۇمىسىنا بارلىق قالالىق قىزمەتتەر تارتىلعان. نەگىزگى مىندەت – تۇرعىنداردىڭ سۇراعىنا جىلدام ءارى ناقتى جاۋاپ بەرۋ. ايتا كەتەيىك، بارلىق تاپسىرما قالا باسشىسىنىڭ قاتاڭ باقىلاۋىندا.
پىكىر قالدىرۋ