«اسىل ارمان» تۇرعىن ءۇي كەشەنى كارانتينگە جابىلدى. بۇل تۋرالى الماتى قالاسى اكىمدىگىنىڭ باسپا ءسوز قىزمەتى حابارلادى.
الماتى وبلىسى اكىمى باسپا ءسوز قىزمەتىنىڭ حابارلاۋىنشا، ءقازىر وندا شامامەن 22 مىڭ ادام تۇرىپ جاتىر. تۇرعىن ءۇي كەشەنى اۋماعىندا دارىگەرلىك امبۋلاتوريا ۇيىمداستىرىلىپ، مەديسينا ماماندارى تۇرعىنداردىڭ دەنساۋلىعىن قاداعالايتىن بولادى.
ەستەرىڭىزدە بولسا، 28 ناۋرىزدا «اسىل ارمان» تۇرعىن ءۇي كەشەنىنىڭ ءبىر كىرەبەرىسىندە ينفەكسيا جۇقتىرعان ادام تابىلعان سوڭ، كارانتين ەنگىزىلگەن ەدى. ال، 1 ءساۋىر كۇنى تاعى ءبىر ادامنان COVID-19 ينفەكسياسى انىقتالعاندىقتان، بۇكىل تۇرعىن ءۇي كەشەنىن، پوليسيا مەن اسكەريلەر قورشاۋعا الدى.
پىكىر قالدىرۋ