كوروناۆيرۋسقا بايلانىستى اقش-قىتاي قايشىلىعى كۇشەيە تۇسكەن كەزدە قىتايلىق جەتەكشى باسىلىمداردىڭ ءبىرى Global Times "بەيجىڭ يادرولىق وقتۇمسىقتاردى ءۇش ەسە كوبەيتۋ كەرەك" دەپ مالىمدەدى. بۇل تۋرالى قامشى ءتىلشىسى بريتانيالىق The Sun گازەتىنە سىلتەمە جاساپ حابارلايدى.
قىتايلىق ءىرى باسىلىم Global Times-تىڭ جازۋىنشا، بەيجىڭنىڭ اسكەري شەنەۋنىكتەرى يادرولىق قارۋلاردى 300-دەن 1000-عا دەيىن كوبەيتۋى ءتيىس.
باسىلىم ۆاشينگتوندى قىتايعا "اسكەري قىسىم جاسادى" دەپ ايىپتادى، سەبەبى اقش اسكەري كەمەلەرى وڭتۇستىك جۇڭگو تەڭىزى، شىعىس جۇڭگو تەڭىزى جانە تايۆان بۇعازدارىن باسىپ وتكەن.
جۇڭگو كوممۋنيستىك پارتياسىنىڭ مۇشەسى، بۇرىنعى اسكەري وفيسەر، قازىرگى Global Times-تىڭ باس رەداكتورى حۋ سيجين "اقش-تىڭ ستراتەگيالىق امبيسياسىن شەكتەۋ ءۇشىن جۇڭگو قىسقا مەرزىمدە ءوزىنىڭ يادرولىق وقتۇمسىقتارىنىڭ سانىن 1000-عا دەيىن كوبەيتۋى كەرەك. بەيجىڭ كەمىندە ءجۇز دانا DF-41 زىمىرانعا يە بولۋى كەرەك" دەدى.
پىكىر قالدىرۋ