الماتى اكىمى باقىتجان ساعىنتايەۆ قالا تۇرعىندارىن ۇلى جەڭىستىڭ 75 جىلدىعىمەن قۇتتىقتادى. بۇل تۋرالى ءىnstagram پاراقشاسىندا جاريالادى.
– قۇرمەتتى الماتىلىقتار! ۇلى وتان سوعىسىنداعى جەڭىستىڭ 75 جىلدىعىمەن قۇتتىقتايمىن! بۇل كۇنى ءبىز جەر بەتىنە بەيبىتشىلىك پەن تىنىشتىقتى ورناتىپ، فاشيستىك ەزگىدەن ازات ەتكەن مايدانگەرلەرىمىزگە قۇرمەت كورسەتەمىز. حالىق قاھارمانى باۋىرجان مومىش ۇلى ايتقانداي، سوعىس قاسىرەت پەن قايعىنى ەسكە تۇسىرۋمەن بىرگە، قان مايدانداعى شايقاستار مەن ەرەن ەرلىكتەردىڭ دە ەستەلىگى. بۇل – جەڭىس جاڭعىرىعى! بۇگىندە ءبىز ارداگەرلەرگە قامقورلىق پەن ءىقىلاس-ىلتيپات كورسەتىپ وتىرۋعا تىرىسامىز. ۇزاق شايقاستا ابدەن شىڭدالعان ارداگەرلەرىمىزدىڭ رۋحى قاشاندا بيىك. ەگدە تارتقان جاسىنا قاراماستان ولار قوعامدىق ومىرگە ەتەنە ارالاسىپ، وتانعا دەگەن سۇيىسپەنشىلىك پەن ادالدىقتىڭ، ادامگەرشىلىك پەن ابىرويدىڭ بيىك دەڭگەيدەگى ۇلگىسىن كورسەتۋدە. ءبىز، بۇگىنگى ۇرپاق، سىزدەردىڭ الدارىڭىزدا ءبىزدى جاقسى عۇمىر كەشسىن دەپ سىيلاعان بەيبىت ءومىر، اشىق اسپان ءۇشىن باسىمىزدى يەمىز. ەرلىكتەرىڭىز ەشقاشان ۇمىتىلمايدى! سىزدەرگە زور دەنساۋلىق تىلەيمىن!، – دەپ جازدى شاھار باسشىسى.
پىكىر قالدىرۋ