1941 جىلى كەڭەس اسكەرىنە شاقىرىلعان سوعىس ارداگەرى ءجۇمادىل ابدىگامەتوۆ قامشى تىلشىسىنە ءوزىنىڭ باسىنان وتكەن وقيعاسىن ايتىپ بەردى.

ءجۇمادىل ابدىگامەتوۆ 1923 جىلى 10 مامىردا الماتى وبلىسى بالقاش اۋدانى توپار اۋىلىندا دۇنيەگە كەلگەن.

– 1939 جىلى الماتىداعى بالالار ينتەرناتىن ءبىتىرىپ، 1941 جىلى سوۆەت اسكەرىنە شاقىرىلدىم. سودان وندا ءبىر جارىم جىل اسكەري دايىندىقتان ءوتىپ 1942 جىلدىڭ اياعىندا ءبىرىنشى ۋكراينا فرونتىنا قاتىستىم سودان بريانسكيي فرونتتا بارلاۋشى بولىپ سوعىستىم. سوعىستا ءبىزدىڭ قازاقستاندىقتاردان 2-ەسە ادام مەرت بولدى. سونىڭ ءبارىن مەن "باتىر" دەپ ەسەپتەيمىن، – دەدى ءجۇمادىل ابدىگامەتوۆ. 

مايدانگەر 1943 جىلى ەكى سولدات بولىپ 13 نەمىستى تۇتقىنعا ءتۇسىرىپ "زا وتۆاگۋ" وردەنىمەن ماراپاتتالادى. ارتىنشا "زا پولشۋ"، "زا پراگۋ"، "زا بەرلين" مەدالدارىمەن ماراپاتتالعان. 1945 جىلى سوعىس بىتكەن سوڭ، تاعى ەكى جىل سوۆەت اسكەرىندە بولىپ، 1947 جىلى وجەت اۋىلىنا ورالىپ، سوۆحوزدا جۇمىس ىستەپ، وتباسىن قۇرعان.

ءسوز سوڭىندا ارداگەر بارشا قازاقستاندىقتاردى مەرەيتويمەن قۇتتىقتاپ، بۇگىنگى بەيبىت ءومىر مايدان شەبىندە وتان ءۇشىن كەۋدەسىن وققا توسقان ارداگەرلەردىڭ ارقاسى ەكەنىن اتاپ ءوتتى. 

– بەيبىت ومىردە تەك جاقسىلىق بولسىن. بارشا ۇلى وتان سوعىسى ارداگەرلەرىن 75-جىلدىق مەرەيتويمەن كۇتتىقتايمىن. ءبىزدىڭ بالالارىمىز ءوسىپ-ونسىن. ەلىمىز امان بولسىن، سوعىس بولماسىن، كوك اسپاندا كوك تۋىمىز جەلبىرەپ تۇرا بەرسىن!، – دەپ اق تىلەگىن ءبىلدىردى.