بۇگىن الماتىنىڭ جەتىسۋ جانە تۇركسىب اۋداندارىندا تۇراتىن 36 ۇلى وتان سوعىسى ارداگەرىنە سىيلىقتار تابىستالدى، دەپ اlmaty.tv حابارلايدى.

جەرگىلىكتى اكىمدىك مەرەكە كۇنىندە وسىلايشا قاريالاردىڭ كوڭىلىن مارقايتۋدى كوزدەگەن. ال قاتارى كۇن ساناپ، ازايىپ بارا جاتقان باتىرلاردىڭ ايتارى ءبىر. ءبىراۋىزدان الەمدە ەندى سوعىس بولماسىن دەپ تىلەيدى.

101 جاسقا تولعان سوفا يزمايلوۆا سوعىس جىلدارى حيرۋرگ بولىپ جۇمىس ىستەگەن. قان مايداندى كوزىمەن كورگەن ورىمدەي قىز ەشقاشان تايسالماعانىن ايتادى. باستى مىندەتى اۋىرعان اسكەريلەردى ەمدەپ جازۋ بولعان.  بۇگىن مەيرام كۇنىندە ارداگەردى مەرەكەمەن قۇتتىقتاپ، جەرگىلىكتى اكىمدىك وكىلدەرى ەل پرەزيدەنتى مەن قالا اكىمىنىڭ قۇتتىقتاۋ حاتتارىن جەتكىزدى.

– جەتىسۋ اۋدانىندا 22 مىڭعا جۋىق زەينەتكەر بار. ونىڭ 16 ادام ۇلى وتان سوعىسى باتىرلارى، 1100-دەن اسا تىل ارداگەرلەرى، 46 ۇلى وتان ارداگەرىنىڭ جەسىرى بار، – دەدى تۇركسىب اۋداندىق ارداگەرلەر كەڭەسىنىڭ ءتورايىمى تامارا شاكيروۆا.

ءىزىن الا يگى ءىس تۇركسىب اۋدانىندا جالعاستى. جەرگىلىكتى اكىمدىك بۇگىن 20 قاريانى قۇتتىقتادى. ولاردىڭ ءبىرى – 96 جاستاعى ۆاسيليي زينچەنكو. بارلاۋشى بولعان ارداگەردىڭ ەڭبەگىن ەلەپ-ەسكەرىپ، ۇمىتپاعانى ونى قۋانتتى.

– جىل سايىن بۇل كۇندى اسىعا كۇتەمىن. ويتكەنى ارقا-جارقا بولىپ قالامىن. قۇتتىقتاۋشىلار سانى كوبەيىپ، ۇيدە ەرەكشە كوڭىل-كۇي ورنايدى. مەن ءۇشىن جەڭىس كۇنى دەگەن بەيبىتشىلىكتى بىلدىرەدى، – دەدى ۇلى وتان سوعىسىنىڭ ارداگەرى ۆاسيليي زينچەنكو.

الماتىدا ۇلى وتان سوعىسىنىڭ باتىرلارىن وسىلاي ۇلىقتادى. ارينە، بۇل ءبىر كۇنمەن شەكتەلمەيدى. دەسە دە اۋدان اكىمدىكتەرى وتان قورعاۋشىلار كۇنى مەن ۇلى جەڭىس مەيرامى قارساڭىندا ارنايى ارداگەرلەرگە بارىپ قايتۋدى ادەتكە اينالدىرعان.