نۇرسۇلتان نازاربايەۆتىڭ باستاماسى بويىنشا «Nur Otan» پارتياسى مەن «Birgemiz» قورى قازاقستاندىقتارعا اتاۋلى كومەك كورسەتۋدى جالعاستىرۋدا. بۇل تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ءىnstagram پاراقشاسىندا جاريالادى.
– قۇرمەتتى دوستار! وزدەرىڭىزگە بەلگىلى، ەل پرەزيدەنتى قاسىم-جومارت توقايەۆتىڭ تاپسىرماسى بويىنشا تۇركىستان وبلىسى ماقتاارال اۋدانىنىڭ سۋ باسۋدان زارداپ شەككەن تۇرعىندارى تولىقتاي جاڭا نەمەسە جوندەلگەن تۇرعىن ۇيمەن قامتاماسىز ەتىلەدى. ءاربىر ادام رەسپۋبليكالىق بيۋدجەتتەن 100 مىڭ تەڭگەدەن الادى. مەملەكەت باسشىسىنىڭ باستاماسىمەن قولعا الىنعان الەۋمەتتىك قولداۋ شارالارىنا قوسىمشا ەلباسىنىڭ تاپسىرماسى بويىنشا «Nur Otan» پارتياسى ماقتاارالدىقتارعا 400 توننادان استام گۋمانيتارلىق كومەك، ونىڭ ىشىندە ازىق-تۇلىك، جەكە گيگيەنالىق قۇرالدار، كيىم-كەشەك، توسەك-ورىن جابدىعى جانە تاعى دا باسقا زاتتار جونەلتتى، – دەدى ب. بايبەك.
⠀
سونىمەن قاتار «Jas Otan» ۆولونتەرلارى مەن بەلسەندىلەرى جەرگىلىكتى جەردە جەتكىزىلگەن كومەكتى تۇرعىندارعا ۇلەستىرىپ بەرۋمەن اينالىسىپ جاتقاندىعىن اتاپ ءوتتى.
– وڭىرلەردەگى پارتيالاستارىمىز بەن بەلسەندىلەرىمىزگە جۇرتشىلىققا جەدەل قولداۋ كورسەتۋدى ۇيىمداستىرعاندارى ءۇشىن العىس ايتامىن. اسىرەسە، پارتيامىزدىڭ جاستار قاناتىنىڭ جۇمىسىن ەرەكشە اتاپ وتكىم كەلەدى. بىرلىك، ىنتىماق جانە ءوزارا كومەك قولىن سوزۋ سەكىلدى قاسيەتتەر تاپ وسىنداي قيىن-قىستاۋ ساتتەردە كورىنەدى. جالپى، نۇرسۇلتان نازاربايەۆتىڭ باستاماسى بويىنشا «Nur Otan» پارتياسى مەن «Birgemiz» قورى قازاقستاندىقتارعا اتاۋلى كومەك كورسەتۋدى جالعاستىرۋدا. بۇگىنگى كۇنگە دەيىن 150 مىڭنان استام وتباسى ازىق-تۇلىك سەبەتى مەن انتيسەپتيكالىق قۇرالدار الدى. بۇعان قوسا 100 مىڭ وتباسى تەگىن ماسكامەن قامتاماسىز ەتىلدى. 360 مىڭ وتباسى 50 مىڭ تەڭگەدەن ءبىرجولعى تولەممەن قامتىلدى. وتباسى مۇشەلەرىن قوسا ەسەپتەگەندە، بۇل شامامەن 1 ملن. قازاقستاندىقتى قۇرايدى، – دەپ اتاپ ءوتتى.
⠀
#BizBirgemiz #مىۆمەستە
پىكىر قالدىرۋ