ق ر يندۋستريا جانە ينفراقۇرىلىمدىق دامۋ مينيسترلىگى كوممۋنالدىق قىزمەتتەر ءۇشىن 15 مىڭ تەڭگە كىمگە تولەنەتىنىن مالىمدەدى. 

«مەملەكەت باسشىسىنىڭ تاپسىرماسىن ورىنداۋ ماقساتىندا اعىمداعى جىلدىڭ 9 مامىرىندا كارانتين رەجيمى كەزەڭىندە كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ ەرەجەسىنە وزگەرىستەر مەن تولىقتىرۋلار ەنگىزىلدى (ق ر يندۋستريا جانە ينفراقۇرىلىمدىق دامۋ ءمينيسترىنىڭ 2020 جىلعى 18 ساۋىردەگى № 212 بۇيرىعى)»، دەلىنگەن ۆەدومستۆو تاراتقان حابارلامادا.

ۆەدومستۆونىڭ حابارلاۋىنشا، بەلگىلى ءبىر ساناتتاعى ادامدارمەن بىرگە تۇراتىن وتباسى مۇشەلەرىنە كوممۋنالدىق قىزمەتتەر ءۇشىن تولەمدەردى وتەۋ بويىنشا نورمالار ەنگىزىلگەن. اتاپ ايتقاندا:

1) 1، 2، 3 توپ مۇگەدەكتەرى؛

2) ۇلى وتان سوعىسىنىڭ مۇگەدەكتەرى مەن قاتىسۋشىلارى، ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛

3) مۇگەدەك بالالاردى تاربيەلەپ وتىرعان وتباسىلار؛

4) كوپ بالالى وتباسىلار؛

5) ەڭ تومەنگى جانە ودان تومەن زەينەتاقى الاتىن زەينەتكەرلەر، جالعىزباستى زەينەتكەرلەر؛

6) مەملەكەتتىك نەمەسە قوعامدىق مىندەتتەردى، اسكەري قىزمەتتى ورىنداۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىق ءتارتىبىن قورعاۋ كەزىندە قازا تاپقان (قايتىس بولعان) ادامداردىڭ وتباسىلارى؛

7) اتاۋلى الەۋمەتتىك كومەك الاتىن ازاماتتار.

بۇدان باسقا، كوممۋنالدىق قىزمەتتەردى تولەۋ بويىنشا تولەمدەردى جەرگىلىكتى بيۋدجەتتەن وتەگەن جاعدايدا اكىمدىكتەرگە الۋشىلاردىڭ ساناتىن، وتەۋ شارتتارى مەن ءتارتىبىن انىقتاۋ بويىنشا مۇمكىندىك بەرىلدى.