بەلگىلى جۋرناليست، جازۋشى، سوعىس ارداگەرى، قالامگەر بيسۇلتان امانعالييەۆ ومىردەن وزدى، دەپ حابارلادى Egemen.kz.

بيسۇلتان امانعالييەۆ 1925 جىلى 24 جەلتوقساندا قازىرگى باتىس قازاقستان وبلىسى كازتالوۆ اۋدانىندا دۇنيەگە كەلگەن. قالامگەر 1954 جىلدان 1990 جىلعا دەيىن قازتاگ اۋدارما كەڭسەسىندە جۇمىس ىستەدى.

قازتاگ-قا دەيىن "قازاقستان پيونەرى" جانە "سوسياليستىك قازاقستان" گازەتتەرىندە ەڭبەك ەتكەن. ەڭبەك جولىن اۋدارماشى بولۋدان باستاعان بيسۇلتان امانعالييەۆ اۋدارما ءبولىمىنىڭ رەداكتورى، باس رەداكتوردىڭ ورىنباسارى، رەسپۋبليكالىق، بۇكىلوداقتىق جانە شەتەلدىك اقپارات رەداكسياسىن باسقاردى.

بيسۇلتان امانعالييەۆ  قازتاگ-تىڭ مايتالمان مامانى، ەلدەگى بىلىكتى اۋدارماشى رەتىندە ارنايى الدىرىلىپ، كسرو جوعارعى كەڭەسى سەسسيالارىندا ستەنوگرافيالىق ىلەسپە اۋدارما جاساۋ ءۇشىن بىرنەشە رەت ماسكەۋدە دە بولعان. اسىرەسە، 1969 جىلى ماسكەۋدەگى كرەملدىڭ سەزدەر سارايىندا ىىى-بۇكىلوداقتىق كولحوزشىلار سەزىندە تىكەلەي ىلەسپە اۋدارما جاساعان. بيسۇلتان امانعالييەۆ ۋكراينا، پولشا، چەحوسلوۆاكيا، ۆەنگريانى ازات ەتۋگە قاتىسقان. اسكەردىڭ بارلىق ءۇش سالاسىندا قىزمەت ەتتى. ول قازاقستانعا 1945 جىلدىڭ قاراشاسىندا عانا ورالدى.

بيسۇلتان امانعالييەۆ سوعىس جانە بەيبىت ۋاقىتتاعى "قۇرمەت" وردەنىمەن، حالىقتار دوستىعى، قىزىل جۇلدىز، جەڭىس وردەندەرىمەن ماراپاتتالعان.