بۇگىن الماتى قالاسى وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين بريفينگ بارىسىندا الماتى قالاسىنىڭ الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى جانە ەڭبەك، الەۋمەتتىك قورعاۋ جانە كوشى-قون كوميتەتى دەپارتامەنتىنىڭ باسشىسى ايدىنجان نارماتوۆ، مەديسينالىق الەۋمەتتىك مەكەمەلەردىڭ (ءمام) اۋماعىندا كوروناۆيرۋستىق ينفەكسياسىنىڭ تارالۋىن الدىن الۋ ءۇشىن قابىلدانعان شارالار تۋرالى ايتتى.

الماتىدا قالاسىنىڭ الەۋمەتتىك ءال-اۋقات باسقارماسىنا ۆەدومستۆولىق باعىنىشتى 9 مەديسينالىق-الەۋمەتتىك مەكەمە بار، ولار ارنايى الەۋمەتتىك قىزمنت كورسەتەدى. قىزمەت كورسەتىلەتىندەردىڭ ساناتتارىن ەسكەرە وتىرىپ، تاۋەكەل توبىنا ەنەتىن توپتارعا (قارتتار، كوپتەگەن پاتولوگيالارى بار مۇگەدەكتەر) ينفەكسيانىڭ تارالۋىن بولدىرماۋ ءۇشىن مەكەمەلەردە قىزمەتكەرلەر ءۇشىن ارنالعان سۇزگى ۇيىمداستىرىلعان. دەنە قىزۋلارى كۇن سايىن تاڭەرتەڭ ولشەنەدى جانە كوتەرىلگەن جاعدايدا قىزمەتكەرلەر تەكسەرۋگە جىبەرىلەدى.

«قىزمەت الۋشىلار مەن قىزمەتكەرلەرگە كۇندەلىكتى ءبىر رەتتىك مەديسينالىق ماسكالار بەرىلەدى. قولدى انتيسەپتيكتەردى پايدالانىپ، گيگيەنالىق تازالىق شاراسى جۇرگىزىلەدى. مەديسينالىق شارالار كەزىندە ءبىر رەت پايدالانىلاتىن ستەريلدى قولعاپتار قولدانىلادى»، — دەدى دانيار الكەباي ۇلى.

سونىمەن قاتار، بارلىق بولمەگە كۇنىنە از دەگەندە 3 رەت تازالىق جانە دەزينفەكسيالىق قۇرالداردى قولدانا وتىرىپ، مىندەتتى تۇردە تازالىق شارالارى جۇرگىزىلەدى. ياعني، ەسىك تۇتقالارى، ۇستەلدەر، ورىندىقتار (كرەسلولار)، تەرەزەلەر مەن شامدار، ەسىكتەر، توسەكتەر، تۋمبوچكالار، روزەتكا، ليفت تاعى باسقا دا جەرلەر مىندەتتى تۇردە وڭدەلەدى.

ايدىنجان نارماتوۆتىڭ ايتۋىنشا، قىزمەت الۋشىلاردىڭ كوروناۆيرۋستىق ينفەكسياسىن جۇقتىرۋ ءقاۋىپىن ازايتۋ ءۇشىن مەكەمە اۋماعىندا قىزمەتكەرلەردەن اۋرۋ بەلگىلەرىن انىقتاۋ ءۇشىن تەكسەرىس جۇرگىزىلەدى.

مەديسينالىق الەۋمەتتىك مەكەمە قىزمەتىن الۋشىلار مەن قىزمەتكەرلەرىنە سەس-كە بەرىلگەن وتىنىمگە سايكەس، ايىنا 1 رەت كوروناۆيرۋستىق ينفەكسياعا تۇراقتى تۇردە تەستىلەۋدەن وتكىزىلەدى. بۇگىندە ءار مەديسينالىق الەۋمەتتىك مەكەمەدە 3 رەت تەستىلەۋدەن وتكەن.

سونىمەن قاتار، ءمام-نىڭ قىزمەتىن جاقسارتۋ جانە ساپاسىن باقىلاۋ ماقساتىندا قوعامدىق كەڭەس قۇرىلدى.

«قوعامدىق كەڭەستىڭ قۇرامىنا وسى الەۋمەتتىك مەكەمەلەردە تۇراتىن قىزمەتكەرلەردىڭ تۋىستارى كىردى. ولار كەز كەلگەن ۋاقىتتا قىزمەت ساپاسىن تەكسەرىپ، تۋىنداعان پروبلەمالاردى ايتىپ وتىرۋ ءۇشىن قوعامدىق كەڭەسكە كىرگىزىلدى»، — دەپ تولىقتىردى ايدىنجان نارماتوۆ.

بۇل شارالار قىزمەتتىڭ اشىق ءارى ادال جاسالۋىنا، قىزمەتكەرلەردىڭ ءتارتىپتى ساقتاۋىنا نەگىزدەلگەن.

الماتى قالاسىندا ورنالاسقان مەديسينالىق جانە الەۋمەتتىك مەكەمە قىزمەتكەرلەرى مەن قابىلداۋشىلارى اراسىندا بۇگىنگە دەيىن كوروناۆيرۋستىق ينفەكسيادان قايتىس بولعاندار تىركەلگەن جوق.