الماتى وبلىسىندا مەديسينا قىزمەتكەرى پتر تەستتىڭ تەرىس كورسەتكىشى بار انىقتامالاردى 25 مىڭ تەڭگەدەن ساتقان. بۇل تۋرالى قارجى مينيسترلىگى قارجى مونيتورينگى كوميتەتىنىڭ باسپا ءسوز قىزمەتى حابارلادى.
"Covid-19-عا تەرىس ناتيجە كورسەتىلگەن پتر انىقتاماسىن جاساپ، اقشالاي "سىياقى" العانى ءۇشىن 1984 جىلى تۋعان مەديسينا قىزمەتكەرى ۇستالدى" دەلىنگەن كوميتەتتىڭ باسپا ءسوز قىزمەتىندە.
بۇل جاعداي الماتى وبلىسى بويىنشا ەكونوميكالىق تەرگەۋ دەپارتامەنتى قىزمەتكەرلەرىنىڭ جەدەل ىزدەستىرۋ ءىس-شارالارىن جۇرگىزۋ كەزىندە انىقتالعان.
ۆەدومستۆونىڭ مالىمەتىنشە، ول ماۋسىم ايىنان باستاپ 12-گە جۋىق جالعان انىقتاما ساتقانىن مويىندادى.
باسپا ءسوز قىزمەتى قازىرگى ۋاقىتتا اتالعان فاكت بويىنشا سوتقا دەيىنگى تەرگەۋ باستالعانىن اتاپ ءوتتى.
پىكىر قالدىرۋ