رەسەي العاشقى سۇراۋ بويىنشا بەلورۋستىڭ قاۋىپسىزدىگىن قامتاماسىز ەتۋ ءۇشىن جان-جاقتى كومەك كورسەتۋگە ءازىر. بۇل تۋرالى ەل پرەزيدەنتى الەكساندر لۋكاشەنكو مالىمدەدى، دەپ جازادى belta.by.
لۋكاشەنكو اسكەري سالادا وداقتاس ەل رەتىندە جانە ۇجىمدىق قاۋىپسىزدىك شارتى ۇيىمى اياسىندا بەلورۋستىڭ رەسەي فەدەراسياسىمەن كەلىسىم-شارتى بار ەكەنىن، وعان سايكەس ءبىرىنشى سۇراۋ بويىنشا رەسەي بەلورۋستىڭ قاۋىپسىزدىگىن قامتاماسىز ەتۋ ءۇشىن جان-جاقتى كومەك كورسەتەتىنىن ايتقان.
بەلارۋس پرەزيدەنتى كەشە رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەن. اڭگىمە بەلورۋستەگى جاعداي تۋرالى بولعان ءارى ۇزاققا سوزىلعان.
بەلارۋستە بىرنەشە كۇننەن بەرى جۋىردا التىنشى مەرزىمگە سايلانعان پرەزيدەنت لۋكاشەنكوعا قارسى ميتينگ ءوتىپ جاتىر. ازاماتتار 11 تامىزدا وتكەن پرەزيدەنت سايلاۋىنىڭ قورىتىندىسىمەن كەلىسپەيدى.
نارازىلىق اكسيالارى بارىسىندا پوليسيا ازاماتتاردى ۇستاپ جاتىر. ۇستالىپ، بوساپ شىققان ازاماتتار وزدەرىن ۇرىپ-سوققانىن حابارلاعان.
پىكىر قالدىرۋ