16 تامىزعا قاراعان ءتۇنى لوندون قالاسىندا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جيەنى ايسۇلتان راحات قايتىس بولدى. بۇل تۋرالى zakon.kz حابارلادى.
ايسۇلتان راحات – داريعا نازاربايەۆا مەن راحات الييەۆتىڭ ەكىنشى ۇلى. ونى بۇقارالىق اقپارات قۇرالدارى كوبىنەسە "پرەزيدەنتتىڭ سۇيىكتى جيەنى" دەپ اتايدى.
ول 1990 جىلى 26 تامىزدا دۇنيەگە كەلگەن. بالا كەزىنەن فۋتبولعا قىزىعاتىن. 2006 جىلى قازاقستاننىڭ جاسوسپىرىمدەر قۇراماسىنىڭ ساپىندا ەۋروپا چەمپيوناتىنىڭ ىرىكتەۋ تۋرنيرىنە قاتىستى. "چەلسي" جانە "پورتسمۋت" جاستار كوماندالارى مەن قازاقستاندىق "استانا" كومانداسىندا ويناعان.
2013 جىلى "قازرومگاز" اق باسشىسى قايرات بورانبايەۆتىڭ قىزىنا ۇيلەنگەن بولاتىن. 2016 جىلدىڭ جازىندا قىزدى بولدى.
ايسۇلتان راحات سوڭعى جىلدارى facebook جەلىسىنە ءجيى جازبا قالدىرىپ، ءوزىنىڭ ەسىرتكىگە اۋەس بولعانى، اباقتىدا وتىرىپ شىققانى، اكەسىنىڭ نۇرسۇلتان نازاربايەۆ ەكەنى تۋرالى مالىمدەگەن.
سونداي-اق ونىڭ لوندونداعى كلينيكالاردىڭ بىرىندە ەمدەلىپ جاتقانى جايلى اقپارات شىققان.
پىكىر قالدىرۋ