"جاس زاڭگەرلەر پالاتاسى" قوعامدىق بىرلەستىگىنىڭ ءتوراعاسى ساعيدوللا ءمۇتيعوللا ۇلى پرەزيدەنت قاسىم-جومارت توقايەۆتىڭ 2020 جىلعى 1 قىركۇيەكتەگى "جاڭا زامانداعى قازاقستان: ءىس-قيمىل كەزەڭى" جولداۋىنا قاتىستى پىكىر ءبىلدىردى.
– پرەزيدەنت قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا ءبىرشاما ماسەلەلەردى كوتەردى. ياعني پەدوفيلدەرگە زاڭ قاتاڭداتۋ، اۋىل اكىمدەرىن حالىقتىڭ سايلاۋى، ونلاين پەتيسياعا قول قوياتىن ءبىرىڭعاي پلاتفورمانىڭ اشىلۋى ت.ب. جولداۋدا مەملەكەت باسشىسى بالالار قۇقىعىن قورعاۋ جانە ولاردىڭ قاۋىپسىزدىگىنە اسا نازار اۋدارۋ كەرەكتىگىن باسا ايتتى. مەن بۇل باستامانى تولىقتاي قولدايمىن. قازىرگى ۋاقىتتا بۇل وتە وزەكتى پروبلەماعا اينالدى. جالپى ءبىز كامەلەتكە تولماعان بالالارعا قاتىستى قىلمىستىق جاۋاپكەرشىلىكتى قاتاڭداتا وتىرىپ، ونى ءىس جۇزىندە ىسكە اسىرا ءبىلۋىمىز قاجەت، – دەيدى ول.
ول پرەزيدەنت جولداۋىندا قارالعان ماسەلەلەر ءسوز جۇزىندە ەمەس، ىستە ناتيجەسىن كورسەتۋدى اتاپ ءوتتى.
– مەنىڭ ويىمشا مۇنداي بالالاردىڭ قۇقىعىن تاپتاعان پەدوفيلدەرگە اياۋسىز جازا قولدانۋىمىز ءتيىس. ارينە، ءبىز جاقسى باستامانى قولدايمىز، ءبىراق مۇنىمەن زاڭگەرلەر تىعىز جۇمىس جاساۋ قاجەت، – دەپ اتاپ ءوتتى ساعيدوللا ءمۇتيعوللا ۇلى.
پىكىر قالدىرۋ