«بىرگەمىز جەتىسۋ» قورىنىڭ قارجىسى ەسەبىنەن جانە دەمەۋشىلەردىڭ كومەگىمەن الماتى وبلىسىنىڭ 396 مىڭ تۇرعىنىنا جالپى سوماسى 4،9 ملرد. تەڭگە كومەك كورسەتىلدى. بۇل تۋرالى الماتى وبلىسىنىڭ اكىمى اماندىق باتالوۆ پرەزيدەنت جانىنداعى وكق الاڭىندا وتكەن بريفينگىدە ايتتى. 

–  2020 جىل كوروناۆيرۋس ىندەتىنە بايلانىستى وڭاي بولعان جوق. مەملەكەت باسشىسى قاسىم-جومارت كەمەل ۇلىنىڭ تاپسىرماسىنا سايكەس ۇكىمەت دەر كەزىندە حالىقتى الەۋمەتتىك قورعاۋ جانە بيزنەستى قولداۋ شارالارىن قابىلدادى. وسىنىڭ ارقاسىندا ەكونوميكانىڭ نەگىزگى سالالارىندا ءوسىم قارقىنىن ساقتاي الدىق، – دەگەن ا. باتالوۆ توعىز ايداعى وبلىستىڭ جەتكەن جەتىستىكتەرىن كەڭىنەن تارقاتتى. 

الماتى وبلىسى اكىمىنىڭ ايتۋىنشا، توعىز اي ىشىندە 437،9 ملرد. تەڭگە ينۆەستيسيا تارتىلىپ، ءوسىم 8،8% قۇرادى. الماتى وبلىسىنىڭ ينۆەستيسيالىق قورجىنىندا جالپى قۇنى 5 ترلن. تەڭگەدەن استام بولاتىن 517 جوبا بار. وبلىس اگرارلىق باعىتتان بىرتە-بىرتە اگرارلىق-يندۋستريالدىق باعىتقا وتۋدە، ءقازىر وڭدەۋ ونەركاسىبىنىڭ ۇلەسى 87% جەتتى.

مەملەكەت باسشىسىنىڭ جولداۋىنداعى تاپسىرماعا سايكەس ءارتاراپتاندىرىلعان جانە تەحنولوگيالانعان ەكونوميكانى قالىپتاستىرۋ. وسى ماقساتقا قول جەتكىزۋدە ترانسۇلتتىق كوپانيالار ماڭىزدى رولگە يە. ترانسۇلتتىق كومپانيالاردىڭ جالپى سوماسى 165 ملرد. تەڭگە بولاتىن، ءتورت مىڭ جۇمىس ورنىن قۇراتىن 9 جوباسى جۇزەگە اسىرىلۋدا. ونىڭ ۇشەۋى – «ماريەۆەن فۋد»، «لۋكويل»، «Willo» ىسكە قوسىلدى، جىل سوڭىنا دەيىن تاعى ءبىر نىسان - قۋاتتىلىعى جىلىنا 60 مىڭ توننالىق «SSA فيد ميللس» قۇراما جەم زاۋىتى پايدالانۋعا بەرىلدى.سپيكەر قۋاتى جىلىنا 1،2 ملن. توننا بولاتىن وبلىستاعى العاشقى سەمەنت زاۋىتى «الاسەم» ىسكە قوسىلادى. جالپى بيىلعى جىلى جالپى قۇنى 153 ملرد. تەڭگە بولاتىن بارلىعى 71 جوبا جۇزەگە اسىرىلادى. جىل قورىتىندىسىندا ونەركاسىپ ءونىمىنىڭ كولەمى 1 ترلن. تەڭگەدەن اسادى، شيكىزاتتىق ەمەس ەكسپورت 6% ءوسىپ، 406 ملن. اقش دوللارىنا جەتەدى دەپ جوسپارلانۋدا. جالپى وبلىستىڭ ينۆەستيسيالىق قورجىنىندا جالپى قۇنى 5 ترلن. تەڭگەدەن استام بولاتىن 517 جوبا بار. ولاردا 45 مىڭ جۇمىس ورنى اشىلادى. 

ەلىمىزدىڭ اۋىل شارۋاشىلىعى ونىمىندەگى الماتى وبلىسىنىڭ ۇلەسى – 17 پايىز. دەگەنمەن وبلىس وسىمەن توقتاپ قالماي، ودان ءارى دامۋعا باعىت العان. پرەزيدەنتتىڭ اگروونەركاسىپتىك كەشەندى دامىتۋ تۋرالى تاپسىرماسىنا سايكەس ءبىز بۇل باعىتتا ءتورت نەگىزگى ستراتەگيالىق ماقساتتى بەلگىلەدىك. ولار – ەت پەن ءسۇت ءوندىرىسىن ارتتىرۋ، اۋىل شارۋاشىلىعى ونىمدەرىن وڭدەۋ مەن يرريگاسيالىق جۇيەلەردى قالپىنا كەلتىرۋ.

الماتى وبلىسىندا ءىرى قارا مال باسى 1،3 ميلليوننان، ال قوي مەن ەشكى 4،2 ملن. باستان استى. ءسۇتتى مال شارۋاشىلىعىن دامىتۋ ماقساتىندا 26 مىڭ باسقا ارنالعان 82 ءتاۋارلى-سۇت فەرماسى قۇرىلعان. الايدا ەت وڭدەۋ كاسىپورىندارىنىڭ جۇكتەمەسى نەبارى 4% ءوسىپ، 66%ء-تى قۇراسا، ءسۇت زاۋىتتارىنىڭ جۇكتەمەسى - 73،4%. سوندىقتان ءبىز 2025 جىلعا دەيىن ەت ءوندىرىسىن 500 مىڭ تونناعا، ءسۇت ءوندىرىسىن 900 مىڭ تونناعا دەيىن جەتكىزىپ، اۋىل شارۋاشىلىعى ونىمدەرىن وڭدەۋ بويىنشا 25 جوبانى جۇزەگە اسىرۋدى جوسپارلاپ وتىر. سونداي-اق پرەزيدەنتتىڭ سۋارمالى جەردى ۇلعايتۋ تۋرالى تاپسىرماسىنا وراي وبلىستا جالپى 138 مىڭ گەكتار سۋارمالى جەردى اينالىمعا قوسۋ جوسپارلانعان. وتكەن جىلى 20 مىڭ گەكتار قالپىنا كەلتىرىلسە، بيىلعى جىلى تاعى 20 مىڭ گەكتار اينالىمعا قوسىلادى. بۇل اوك ءوندىرىسىنىڭ كولەمىن ارتتىرۋعا جانە ونىڭ ەكسپورتتىق الەۋەتىن ۇلعايتۋعا ىقپال ەتەدى. «ءقازىردىڭ وزىندە كورسەتكىشتەرىمىز جامان ەمەس. وتكەن 9 ايدا اوك ءونىمى ەكسپورتىنىڭ كولەمى 1،3 ەسە ءوسىپ، 93 ملن. اقش دوللارىن قۇرادى. جىل سوڭىنا قاراي اۋىل شارۋاشىلىعىندا جالپى ءونىم 2،2% ءوسىپ، 900 ملرد. تەڭگەدەن اسادى، ال ەڭبەك ونىمدىلىگى 2،5 ملن. تەڭگەگە جەتەدى.الماتى وبلىسىنىڭ جالپى وڭىرلىك ونىمىندەگى شاعىن جانە ورتا بيزنەستىڭ ۇلەسى 34% جەتەدى

پاندەميا كەزىندە  شاعىن جانە ورتا بيزنەس كوپ زارداپ شەكتى. سوعان بايلانىستى الماتى وبلىسىندا داعدارىسقا قارسى شارالار شەڭبەرىندە بيزنەستىڭ 119 مىڭ سۋبەكتىسى سالىقتىق ىنتالاندىرۋعا قول جەتكىزدى. 641 سۋبەكتىگە 24 ملرد. تەڭگە نەسيە بويىنشا تولەمدى كەيىنگە شەگەرۋگە جاعداي جاسالدى. باياندامادا ايتىلعانداي، وڭىردەگى 6،5 مىڭ جالگەرلەر ءۇشىن جەكە سەكتوردا جالعا الۋ قۇنى 30%-تەن 90%-كە دەيىن تومەندەتىلگەن، بيزنەستىڭ 690 سۋبەكتىسى كوممۋنالدىق مەنشىك مۇلىكتەرىن جالعا الۋ تولەمىنەن تولىق بوساتىلدى. كاسىپكەرلىكتى قولداۋعا بيۋدجەتتەن 16،2 ملرد. تەڭگە ءبولىندى. 

–  وسى ايتىلعان شارالاردىڭ بارلىعى شاعىن جانە ورتا بيزنەس كورسەتكىشتەرىن وتكەن جىلدىڭ دەڭگەيىندە ساقتاۋعا مۇمكىندىك بەردى. سوعان سايكەس شىعارىلعان ءونىم مەن كورسەتىلگەن قىزمەت كولەمى 1،7 ترلن. تەڭگەنى قۇراپ، جالپى وڭىرلىك ونىمدەگى شاعىن جانە ورتا بيزنەستىڭ ۇلەسى 34% جەتەدى. بۇل كورسەتكىشتى 2025 جىلعا قاراي 35 %-عا جەتكىزۋ تاپسىرىلعان بولاتىن، ءبىز بۇل مەجەگە كەلەسى جىلى جەتە الامىز، – دەدى ا. باتالوۆ. 

الماتى وبلىسىندا 9 ايدا 712،4 مىڭ شارشى مەتر تۇرعىن ءۇي پايدالانۋعا بەرىلىپ، كورسەتكىش 7،6% ءوستى. تۇرعىن ءۇي قۇرىلىسى جاقسى قارقىنمەن ءجۇرىپ جاتىر. 9 ايدا 712،4 مىڭ شارشى مەتر تۇرعىن ءۇي پايدالانۋعا بەرىلىپ، ءوسىم 7،6% قۇرادى. ال جىلدىق جوسپار – 938،8 مىڭ شارشى مەتر. ءوڭىر باسشىسىنىڭ ايتۋىنشا، ەلباسىنىڭ «نۇرلى جەر» باعدارلاماسى شەڭبەرىندە تۇرعىن ۇيلەر مەن ينجەنەرلىك ينفراقۇرىلىمداردىڭ قۇرىلىسىنا 38،3 ملرد. تەڭگە ءبولىندى. جالپى وبلىستا بارلىعى 2843 پاتەرلىك 566 تۇرعىن ءۇي سالىنۋدا، ونىڭ 1020-سى كوپ بالالى وتباسىلارىنا بەرىلەدى. 1533 وتباسى «7-20-25»، «باقىتتى وتباسى» جانە «شاڭىراق 5-10-20» جەڭىلدەتىلگەن باعدارلامالارى بويىنشا پاتەر الادى.

وبلىس ورتالىعى تالدىقورعاندا 670 ۇيلىك كوتتەدج قالاشىعىنىڭ قۇرىلىسى ءجۇرىپ جاتىر. بيىلعى جىلى 345ء-ىن قولدانىسقا بەرەمىز. مۇندا مەكتەپ، بالاباقشا، بالالار جانە سپورت الاڭدارى سالىنۋدا. جىل سوڭىنا قاراي الماتى وبلىسىنىڭ 1،2 ملن. تۇرعىنى نەمەسە 57% تابيعي گازعا قوسىلۋعا مۇمكىندىك الادى

الماتى وبلىسىندا اۋىز سۋمەن قامتۋ جۇيەلەرىنىڭ قۇرىلىسى مەن جوندەۋىنە قاتىستى 17،9 ملرد. تەڭگەگە 110 جوبا ىسكە اسىرىلۋدا. وسىنىڭ ناتيجەسىندە 90 ەلدى مەكەندە اۋىز سۋ ساپاسى جاقسارادى. – بۇگىنگى كۇنى الماتى وبلىسى اۋىلدىق ەلدى مەكەندەردى ورتالىقتاندىرىلعان اۋىز سۋمەن قامتۋ بويىنشا كوشباسشى سانالادى – قامتۋ كورسەتكىشى – 98،8%. سونىمەن قاتار بۇگىنگى كۇنى گاز وبلىستىڭ 15 اۋدانى مەن قالاسىنا جەتكىزىلىپ، گازداندىرۋعا جاتاتىن 144 ەلدى مەكەنگە گاز تارتىلدى. تالدىقورعاندا IV كەزەگى اياقتالۋدا، بالقاش، قاراتال، كوكسۋ، كەربۇلاق جانە ەسكەلدى اۋداندارىندا اۋىلىشىلىك جەلىلەردىڭ قۇرىلىسى قارقىندى جۇرگىزىلىپ جاتىر.  جىل سوڭىنا قاراي وبلىستىڭ 1،2 ملن. تۇرعىنى نەمەسە 57% گازعا قوسىلۋعا مۇمكىندىك الادى.

بەس اۋداندا  گاز جەتكىزىلمەگەن، ول ءۇشىن «اقسۋ - سارقان - ءۇشارال»، «شەلەك – كەگەن - نارىنقول» باعىتىنداعى گاز قۇبىرلارى قۇرىلىسىنىڭ قۇجاتتامالارى دايىندالۋدا. سونىڭ ناتيجەسىندە تاعى 300 مىڭ ادام گازبەن قامتىلاتىن بولادى.جالپى جەرگىلىكتى ماڭىزداعى جولداردى سالۋ مەن جوندەۋ جۇمىستارىنا الماتى وبلىسىندا 62 ملرد. تەڭگە بولىنگەن. جالپى جەرگىلىكتى ماڭىزداعى جولداردى سالۋ مەن جوندەۋ جۇمىستارىنا 62 ملرد. تەڭگە ءبولىندى.

«جۇمىسپەن قامتۋ جول كارتاسىنىڭ» ارقاسىندا ءبىز اۋىل ىشىلىك جولداردى جوندەۋگە كوپ كوڭىل بولدىك. جوندەۋ ءجۇرىپ جاتقان 347 ەلدى مەكەننىڭ 220-سى «جۇمىسپەن قامتۋ جول كارتاسى» شەڭبەرىندە قامتىلىپ وتىر. سونىڭ ناتيجەسىندە جىل سوڭىنا قاراي جاقسى جانە قاناعاتتانارلىق جاعدايداعى جولداردىڭ دەڭگەيى 84% جەتەدى.سپيكەردىڭ ايتۋىنشا، «نۇرلى جول» باعدارلاماسى اياسىندا «تالدىقورعان - وسكەمەن»، «ءۇشارال - دوستىق»، «كۇرتى - بۋرىلبايتال» جانە «ۇزىناعاش - وتار» رەسپۋبليكالىق جولدارىنىڭ قۇرىلىسى مەن جاڭعىرتۋ جۇمىستارى ءجۇرىپ جاتىر. بارلىق ۋچاسكەلەردەگى قۇرىلىس جۇمىستارى 2021 جىلى اياقتالادى دەپ كۇتىلۋدە، بۇل ترانزيتتىك جۇك تاسىمالى مەن تۋريستەر لەگىن ارتتىرۋعا ىقپال ەتەدى.

الماتى وبلىسىندا «جۇمىسپەن قامتۋ جول كارتاسى» جوبالارىنىڭ 451ء-ى نەمەسە 43% الەۋمەتتىك ينفراقۇرىلىمداردى جاقسارتۋعا باعىتتالدى  جۇزەگە اسىرىلىپ جاتقان باعدارلامالار اياسىندا الماتى وبلىسىندا 56،2 مىڭ جۇمىس ورنى قۇرىلدى، سونىڭ 30،1 مىڭى – تۇراقتى جۇمىس ورىنى. بۇل رەتتە «جۇمىسپەن قامتۋ جول كارتاسى» ءوز تيىمدىلىگىن كورسەتتى، وسى باعدارلاما شەڭبەرىندە قۇنى 105،6 ملرد. تەڭگەلىك، 20،9 مىڭ جۇمىس ورنىمەن 1051 جوبا ىسكە اسىرىلۋدا. سونىڭ 1،8 مىڭى تۇراقتى جۇمىس بولسا، 10،5 مىڭى جۇمىسپەن قامتۋ ورتالىقتارى ارقىلى ورنالاستىرىلعان.

سپيكەردىڭ ايتۋىنشا، «جۇمىسپەن قامتۋ جول كارتاسى» جوبالارىنىڭ 451ء-ى جوبا نەمەسە 43% الەۋمەتتىك ينفراقۇرىلىمداردى جاقسارتۋعا، 237 جوبا تۇرعىن ۇي-كوممۋنالدىق شارۋاشىلىعى مەن اباتتاندىرۋ ماسەلەلەرىن شەشۋگە باعىتتالدى. وڭىردە «ەڭبەك» باعدارلاماسى بويىنشا 33 مىڭ جۇمىسسىز جانە ءوزىن ءوزى جۇمىسپەن قامتىعان ازاماتتار جۇمىسپەن قامتۋدىڭ بەلسەندى شارالارىنا تارتىلدى، بۇل ماقساتقا 15،7 ملرد. تەڭگە قاراستىرىلعان.

حالىقتىڭ الەۋمەتتىك ءالجۋاز توپتارىنان 16،3 مىڭ وتباسى جالپى سوماسى 6،3 ملرد. تەڭگە بولاتىن اتاۋلى الەۋمەتتىك كومەك الدى. جالپى سوماسى 712،5 ملن. تەڭگە بولاتىن كەپىلدى الەۋمەتتىك پاكەت 19 مىڭ بالاعا بەرىلدى.  جالپى سوماسى 15،7 ملرد. تەڭگە بولاتىن 42 500 تەڭگە تولەمىن 368،2 مىڭ ادام الدى. اتاپ وتسەك، «بىرگەمىز»، «بىرگەمىز جەتىسۋ» قورىنىڭ قارجىسى ەسەبىنەن جانە دەمەۋشىلەردىڭ كومەگىمەن وبلىستىڭ 396 مىڭ تۇرعىنىنا جالپى سوماسى 4،9 ملرد. تەڭگە كومەك كورسەتىلدى.

الماتى وبلىسىندا قۇرىلىسى ءجۇرىپ جاتقان 23ء-ى مەكتەپتىڭ 17ء-سى ءۇش اۋىسىمدى بولدىرماۋ ماقساتىندا سالىنۋدا. الماتى وبلىسىندا بيىلعى جىلى 32 ءبىلىم مەكەمەسىنىڭ قۇرىلىسى جۇرۋدە، سونىڭ 23ء-ى مەكتەپ، ونىڭ 17ء-سى ءۇش اۋىسىمدى بولدىرماۋ ماقساتىندا سالىنۋدا. جەتىسۋ وڭىرىندە بالالاردى مەكتەپكە تاسىمالدايتىن كولىكتەردى جاڭارتۋعا ءبىر ملرد. تەڭگە ءبولىنىپ، جاڭا ءارى جايلى 70 اۆتوبۋس ساتىپ الىنعان.

سپيكەر سونداي-اق ەلباسىنىڭ بەس الەۋمەتتىك باستاماسىن جۇزەگە اسىرۋ ماقساتىندا تالدىقورعاندا ءى.جانسۇگىروۆ اتىنداعى جەتىسۋ ۋنيۆەرسيتەتىنىڭ ستۋدەنتتەرى ءۇشىن 280 ورىندىق جانە قاراتال اۋدانىندا كوللەدجگە ارنالىپ 50 ورىندىق جاڭا جاتاقحانالار سالىنعانىن، جىل سوڭىنا دەيىن تالدىقورعاندا تاعى 480 ورىنعا ەكى جاتاقحانا پايدالانۋعا بەرىلەتىنىن اتاپ ءوتتى. سول سياقتى ءبىلىم بەرۋ سالاسىندا وقۋشىلار مەن كوللەدج ستۋدەنتتەرىن قاشىقتان وقىتۋ ءۇشىن بارلىق جاعداي جاسالعانىن ايتتى.

الماتى وبلىسىندا پاندەميامەن كۇرەس شارالارىنا جەرگىلىكتى بيۋدجەتتەن 13،8 ملرد. تەڭگە ءبولىندىالماتى وبلىسىندا بيىل 12،9 ملرد. تەڭگەگە دەنساۋلىق ساقتاۋ سالاسىنىڭ 17 نىسانى سالىنۋدا، 7 نىساننىڭ كۇردەلى جوندەۋىنە  3،0 ملرد. تەڭگە ءبولىندى.

– COVID-19 ىندەتى دەنساۋلىق ساقتاۋ سالاسى ءۇشىن ۇلكەن سىن بولدى، قابىلدانعان شارالارعا قاراماستان كادر جەتىسپەۋشىلىگى، قۇرال-جابدىقتار جەتكىلىكسىزدىگى ءالى بار. سوندىقتان جالپى پاندەميامەن كۇرەس شارالارىنا جەرگىلىكتى بيۋدجەتتەن 13،8 ملرد. تەڭگە ءبولىندى، سونىڭ 8،8 ملرد. تەڭگەسى ەكىنشى تولقىنىنا دايىندىققا قاراستىرىلدى، – دەپ اتاپ ءوتتى ا. باتالوۆ. 

ونىڭ ايتۋىنشا، تالدىقورعان قالاسىندا قىسقا مەرزىم ىشىندە 200 توسەكتىك ءمودۋلدى ينفەكسيالىق اۋرۋحانا سالىندى. ول بارلىق قاجەتتى زاماناۋي قۇرال-جابدىقتارمەن جانە شتاتپەن قامتىلدى. ال ماتەريالدىق قولداۋ كورسەتۋ شەڭبەرىندە 5362 مەديسينا قىزمەتكەرىنە 4،7 ملرد. تەڭگە كولەمىندە ۇستەماقى تولەندى، 1123 مەديسينا مامانىنا جەرگىلىكتى بيۋدجەتتەن 137 ملن. تەڭگە سىياقى بەرىلگەن. الماتى وبلىسىندا بيىلعى جىلى 50 مىڭ توننا قانت ءوندىرۋ جوسپارلانىپ وتىر.

بۇگىن الماتى وبلىسىنىڭ باسىم باعىتتارىنىڭ ءبىرى – اۋىل شارۋاشىلىعى جانە ونىڭ دامۋىنا مەملەكەت تاراپىنان ەلەۋلى قولداۋ كورسەتىلۋدە. بيىلعى جىلى قانت قىزىلشاسىنىڭ القابى 16 مىڭ گەكتارعا جەتتى. ودان 550 مىڭ توننا ءونىم الىپ، 50 مىڭ توننا اق قانت ءوندىرۋ جوسپارلانىپ وتىر. ەلباسىنىڭ قانت قىزىلشاسىنىڭ بۇرىنعى داڭقىن جاڭعىرتۋ تۋرالى تاپسىرماسىن ورىنداۋ ماقساتىندا وبلىس باسشىلىعى 2014 جىلدان باستاپ بارلىق قاجەتتى شارالاردى قابىلدادى. ەگەر 2014 جىلى قانت قىزىلشاسىنىڭ القابى 1،2 مىڭ گەكتار بولسا، 2020 جىلى ول 16 مىڭ گەكتارعا جەتكىزىلىپ، 14 ەسەگە جۋىق كورسەتكىشكە ۇلعايتىلدى. مۇنداي ناتيجەگە قول جەتكىزۋ ءۇشىن وبلىستىڭ شارۋا قوجالىقتارىنا سۋبسيديا بەرىلىپ، فرانسيا، گەرمانيا، دانيا ەلدەرىنەن اكەلىنگەن جوعارى ونىمدىلىكتى تۇقىم بەرىلدى. ارنايى تەحنيكا جانە جانار-جاعارماي ماسەلەسى دە شەشىلدى. «جەتىسۋ» اكك» ۇك» اق-نىڭ قاتىسۋىمەن قانت قىزىلشاسى باعىتىندا 29 سەرۆيستىك-دايىنداۋ ورتالىقتارى قۇرىلىپ، قۇنى 6،4 ملرد. تەڭگە بولاتىن 621 بىرلىك ارنايى تەحنيكا ساتىپ الىندى. سدو-لار ءۇشىن بارلىعى 1200 بىرلىك اۋىل شارۋاشىلىعى تەحنيكاسى ساتىپ الىنىپ، قارجىلىق ليزينگىگە بەرىلدى. 

«ءبىز قانت قىزىلشاسىن وسىرۋمەن قاتار وڭدەۋ ءىسىن دە شەشتىك. قىزىلشا ءوسىرۋ وتە اۋىر جۇمىستى تالاپ ەتەدى. سوندىقتان ونىڭ ءار تال ءونىمىن شاشاۋ شىعارماي وڭدەۋدى جولعا قويۋىمىز كەرەك بولدى. سوندىقتان ءبىز ەڭ الدىمەن جىلدار بويى توقتاپ تۇرعان كوكسۋ قانت زاۋىتىن، ودان كەيىن اقسۋ قانت زاۋىتىن ىسكە قوستىق. ينۆەستورلار تارتتىق. ولار زاۋىتتى قايتا جاڭعىرتۋدان وتكىزىپ، وتاندىق، رەسەيلىك، ۋكراينالىق جانە باسقا دا شەتەلدىك ەڭ وزىق ۇلگىدەگى قۇرال-جابدىقتاردى ورناتتى. سول سياقتى زاۋىتتاردا بۇرىننان ىستەگەن مامانداردى قايتا شاقىردىق»، – دەپ اتاپ ءوتتى ا. باتالوۆ. 

قازىرگى كەزدە كوكسۋ قانت زاۋىتى 260 مىڭ توننا قانت قىزىلشاسىن وڭدەۋگە قاۋقارلى. كاسىپورىن 80 % قايتا جاڭعىرتىلدى، ءوندىرىس تولىق اۆتوماتتاندىرىلعان، بۇل قانت ساپاسىن ەسەلەپ ارتتىرۋعا ىقپال ەتۋدە. تاعى ءبىر ماڭىزدى جايت – بۇل زاۋىت تابيعي گازعا قوسىلدى. كاسىپورىننىڭ ەكولوگيالىق تازا وتىنمەن جۇمىس ىستەپ تۇرعانىنا ەكى جىل بولدى. بۇل نىسانعا ەكونوميكالىق جاعىنان ءتيىمدى بولسا، ءوڭىر ءۇشىن ەكولوگيالىق جاعىنان ءتيىمدى. بۇرىن زاۋىت ماۋسىمىنا 10 مىڭ توننا مازۋت جاقسا، گازعا كوشكەلى وتىنعا كەتەتىن شىعىن 1،5 ەسە كەمىگەن. بۇگىندە اقسۋ قانت زاۋىتىنىڭ كەزەكتى جاڭعىرتۋ جۇمىستارىنان كەيىن وڭدەۋ قۋاتتىلىعى 350 مىڭ توننادان 500 مىڭ تونناعا ۇلعايتىلدى. زاۋىتتا قانت قىزىلشاسىنان شىعاتىن جومدى كەپتىرۋگە ارنالعان جانە ونى تۇيىرشىكتەيتىن جەلى ىسكە قوسۋعا دايىن.

«قىزىلشا جومى – مالعا تاپتىرمايتىن ازىق. وبلىستا مال بورداقىلاۋ الاڭدارىنىڭ قاتارى ارتىپ كەلەدى، سوندىقتان كەپتىرىلگەن جومدى وتكىزۋ قيىندىق تۋعىزبايدى. ونىڭ ۇستىنە جاڭا تەحنولوگيانىڭ ارقاسىندا جوم بريكەتتەلىپ، قۇرعاق كۇيىندە جەتكىزىلەدى. سوندا ول ۇزاق ساقتالادى ءارى ءوزىنىڭ پايدالى قاسيەتتەرىن جوعالتپايدى. سول سياقتى اشىتقى زاۋىتى مەن قۇراماجەم زاۋىتىن سالۋ ارقىلى ءوندىرىستى ودان ءارى كەڭەيتۋ جوسپاردا بار. ءسويتىپ زاۋىت قالدىقسىز وندىرەتىن كاسىپورىن بولادى. وندىرىستىك قۋاتىن ارتتىرۋدىڭ ارقاسىندا بىزگە تاعى ءبىر زاۋىتتى ىسكە قوسۋدىڭ قاجەتتىلىگى تۋمايدى. ءبىز ءقازىر سۋارمالى جەرلەردى ۇلعايتۋمەن، وعان قوسا قانت قىزىلشاسى القابىنىڭ كولەمىن ارتتىرۋمەن اينالىسىپ جاتىرمىز»، – دەدى قانت قىزىلشاسى ءوندىرىسىن دامىتۋ تۋرالى جوسپارلارىمەن بولىسكەن اماندىق باتالوۆ. 

ينۆەستورلارمەن بىرلەسىپ، قانت زاۋىتىندا قامىس شيكىزاتىن وڭدەۋ باعىتىندا جاڭعىرتۋ جۇمىستارى جالعاسۋدا. بۇل زاۋىتتىڭ جىل بويى ۇزدىكسىز جۇمىس ىستەۋىنە مۇمكىندىك بەرەدى. قابىلدانعان شارالاردىڭ ارقاسىندا 2023 جىلعا قاراي وبلىس ەلىمىزدىڭ اق قانتقا دەگەن سۇرانىسىنىڭ 70% قامتاماسىز ەتە الادى (شىعارۋ – 350 مىڭ توننا، قاجەتتىلىك – 480 مىڭ توننا).  جيىن سوڭىن الماتى وبلىسىنىڭ اكىمى جۋرناليستەردىڭ سۇراقتارىنا تۇشىمدى جاۋاپ بەردى