كوروناۆيرۋس ورشىگەن جازداعى جاعدايدان كەيىن سولتۇستىك قازاقستان وبلىسىندا ءمايىتحانالارعا مۇزداتقىش تەحنيكا ساتىپ الىنىپ جاتىر. بۇل تۋرالى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى قۇمار قۇسەمىسوۆ حابارلادى.
– قازىرگى ۋاقىتتا ءمايىتحانالار مۇزداتقىش جابدىقتار ساتىپ الىپ، الاڭدارىن ۇلكەيتۋدە. ءمايىتحانالار شىن مانىندە مۇنداي جاعدايعا (كوروناۆيرۋس ورشىگەن جازداعى جاعدايعا - رەد.) دايىن ەمەس ەدى، – دەدى باسقارما باسشىسىنىڭ ورىنباسارى بريفينگ بارىسىندا.
ونىڭ سوزىنشە، بۇگىندە ءمايىتحانالار شتاتتىق رەجيمدە جۇمىس ىستەپ جاتىر. الايدا ول جەردە نەشە ءمايىت قابىلداي الاتىنىن ناقتى ايتۋ ءۇشىن ادىلەت مينيسترلىگىنە قاراستى سوت-مەديسينالىق ورگانعا جۇگىنۋ كەرەك. بۇل ماسەلە دەنساۋلىق ساقتاۋ مينيسترلىگىنىڭ قۇزىرىنا كىرمەيدى.
دەرەككوز: Kaztag
پىكىر قالدىرۋ