پرەزيدەنت قاسىم-جومارت توقايەۆ جوعارى ەۋرازيالىق ەكونوميكالىق كەڭەستىڭ وتىرىسىنا قاتىسادى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي ءوزىنىڭ Facebook پاراقشاسىندا حابارلادى.
كەڭەسكە بەلارۋس رەسپۋبليكاسى ءتوراعالىق ەتەدى.
"سامميتكە ەۋرازيالىق ەكونوميكالىق وداققا مۇشە مەملەكەتتەردىڭ باسشىلارىنان بولەك، باقىلاۋشى ەل ەسەبىندە مولدوۆا پرەزيدەنتى، شاقىرىلعان مەملەكەتتەر رەتىندە وزبەكستان مەن كۋبانىڭ باسشىلارى قاتىسادى" دەلىنگەن حابارلامادا.
سونداي-اق ەۋرازيالىق ەكونوميكالىق وداقتىڭ تيىمدىلىگىن ودان ءارى نىعايتۋعا باعىتتالعان ءبىرقاتار قۇجاتقا قول قويىلماق.
پىكىر قالدىرۋ