"Huawei كومپانياسى قىتايداعى قازاق، ۇيعىر سياقتى مۇسىلمان ازشىلىقتاردى باقىلاۋعا قاتىستى" دەگەن اپقاراتتاردان كەيىن فرانسۋز فۋتبولشىسى انتۋان گريزمانن جۇڭگو تەلەكوممۋنيكاسيالىق فيرماسىمەن دەمەۋشىلىك كەلىسىمشارتتى توقتاتقانىن ايتتى.
جاقىندا شىققان ەسەپتە "جۇڭگو پوليسياسى ءۇشىن مۇسىلمان ازشىلىقتارىن انىقتاۋعا كومەكتەسەتىن، بەت-الپەتتى تانيتىن باعدارلامالىق جاساقتامانى Huawei كومپانياسى سىناقتان وتكىزدى" دەگەن بولجام جاسالدى.
Huawei ۆۆس-گە بۇل اقپاراتتاردى مۇلدەم جوققا شىعاردى جانە گريزمانننىڭ شەشىمى "وكىنىشتى" ەكەنىن ايتتى.
جۇڭگو ازشىلىقتارعا قاتىستى كوپتەگەن سىن-پىكىرلەرگە ۇشىراۋدا.
جۇڭگو ۇكىمەتى شىڭجاڭ پروۆينسياسىندا ءبىر ميلليوننان استام از ۇلتتاردى "قايتا تاربيەلەۋ لاگەرلەرى" دەپ انىقتاعان ورىنداردا قاماعان دەپ سانالادى. دەگەنمەن، بەيجىڭ ءاردايىم قاتىگەز ارەكەتتەردى جوققا شىعارۋدا جانە لاگەرلەر تەرروريزمدى جويۋعا جانە جۇمىسقا ورنالاسۋ مۇمكىندىگىن جاقسارتۋعا ارنالعان دەپ ايتادى.
29 جاستاعى گريزمانن 2017 جىلدان باستاپ Huawei كومپانياسىنىڭ برەند ەلشىسى بولدى جانە كومپانيانىڭ فرانسياداعى جارناماسىندا ەرەكشە ورىن الدى.
اقش-تاعى IPVM قاداعالاۋ-زەرتتەۋ فيرماسى سەيسەنبىدەگى ەسەبىندە قىتايدا بەت-الپەتتى تانۋ باعدارلامالىق جاساقتاماسىن شىڭجاڭداعى ەتنيكالىق ازشىلىقتاردى انىقتاۋ ءۇشىن قولداناتىن تەستىلەۋگە Huawei كومپانياسىنىڭ قاتىسقانىن حابارلادى.
وسى جىلدىڭ باسىندا "ارسەنال" مەن گەرمانيانىڭ ەكس-ويىنشىسى مەسۋت ءوزيل دە قازاقتار مەن ۇيعىرلاردى "قۋعىن-سۇرگىنگە قارسى تۇرعان جاۋىنگەرلەر" دەپ اتاپ، قىتايدى جانە ايىپتالعان قاتىگەزدىككە ءۇنسىز وتىرعانداردى سىنعا الدى.
بۇل بەيجىڭنىڭ شامىنا ءتيىپ مەملەكەتتىك تەلەديدار "ارسەنالدىڭ" ارتيكۋلىن تەلەديدار كەستەسىنەن الىپ تاستادى. ءوزيل سونىمەن بىرگە Pro Evolution Soccer ۆيدەو ويىنىنىڭ جۇڭگو تىلىندەگى نۇسقاسىنان الىنىپ تاستالدى.
پىكىر قالدىرۋ