10 جەلتوقسان كۇنى ساعات 18:00-دە ەلدەگى سايلاۋ ناۋقانىنىڭ ۇگىت-ناسيحات كەزەڭى باستالدى. پارتيالار سايلاۋالدى باعدارلامالارى نەگىزىندە ءتۇرلى اكسيالار مەن ءىس-شارلار وتكىزۋ جۇمىستارىنا كوشتى. وسى ورايدا «Nur Otan» پارتياسى شىمكەنت قالالىق فيليالى دا ناۋقانعا ساقاداي ساي دايىندىقپەن كەلگەنىن مالىمدەپ، ۇگىت-ناسيحات كەزەڭىنىڭ ءىس-شارالارىن باستاپ كەتتى.

پارتيا ءتوراعاسىنىڭ ءبىرىنشى ورىنباسارى اتاپ وتكەندەي، بيىلعى ۇگىت-ناسيحات جۇمىستارى «جاندى» فورماتتا سايلاۋشىلارمەن ادال جانە اشىق ديالوگ نەگىزىندە جۇزەگە اسۋدا. كانديداتتارعا 20/80 فورمۋلاسىن ۇستانۋ تاپسىرىلعاندىقتان بيىل پارتيانىڭ سايلاۋالدى باعدارلاماسىن تۇسىندىرۋگە 20% جانە سۇراقتارعا جاۋاپ بەرۋگە 80% باسىمدىلىق بەرىلەتىن بولادى.

وسى ماقساتتا شىمكەنتتەگى ۇگىت-ناسيحات كەزەڭى «ەسىكتەن ەسىككە» اكسياسىمەن العاشقى كۇننىڭ شىمىلدىعىن ءتۇردى. اكسيا اياسىندا قالالىق ءماسليحات دەپتۋتاتتىعىنا ۇمىتەرلەر مەن ەرىكتىلەر توبى تۇرعىنداردى ۇيمە-ۇي ارالاپ، پارتيانىڭ سايلاۋالدى باعدارلاماسىن ءتۇسىندىرۋ جۇمىستارىن جۇرگىزدى.

بۇگىنگى «ەسىكتەن ەسىككە» اكسياسى قاراتاۋ اۋدانىنا قاراستى «نۇرسات» شاعىن اۋدانىندا ءوتتى. شاراعا قالالىق ءماسليحات دەپۋتاتتىعىنا ۇمىتكەر ارمان ورىنبەكوۆ پەن «Jas Otan» جاستار قاناتىنىڭ ەرىكتىلەرى قاتىستى. حالىق نۇروتاندىقتاردى جىلى لەبىزىمەن قابىلداپ، شاعىن اۋدان بويىنشا تۇيتكىلدى ماسەلەلەرىمەن ءبولىستى. تىڭدالعان تالاپ-تىلەكتەر نەگىزىندە ارنايى ءتىزىم جاساقتالدى. تۇرعىنداردىڭ باسىم بولىگى جىلۋ، قوقىس، جارىقتاندىرۋ، اۋلا تازالىعى مەن سپورت الاڭدارىن سالۋ ماسەلەسى بويىنشا شاعىمدانعان.

ايتا كەتەيىك، سايلاۋ ناۋقانىندا قالا بويىنشا 679 ءىس-شارا وتكىزۋ جوسپاردا. سونداي-اق، شىمكەنت قالاسى بويىنشا «Nur otan» پارتياسى اتىنان سايلاۋعا تۇسەتىن ۇمىتكەرلەردىڭ باعدارلامالارىن ناسيحاتاۋعا «جاس وتاندىقتاردان» 500-گە جۋىق جاستار اتسالىسادى دەپ كۇتىلەۋدە.

ماتەريال "Nur Otan" پارتياسى شىمكەنت قالالىق

فيليالى باسپا ءسوز قىزمەتى

"Nur Otan" پارتياسى شىمكەنت قالالىق سايلاۋ قورى قاراجاتى ەسەبىنەن تولەندى