سيفرلىق تەحنولوگيانى قولدانۋ ارقىلى ەلدىڭ ءاربىر ازاماتىنىڭ ءومىر ءسۇرۋ دەڭگەيىن جاقسارتۋعا باعىتتالعان «سيفرلىق قازاقستان» كەشەندى مەملەكەتتىك باعدارلاماسى اياسىندا تالدىقورعان قالاسىندا كوپتەگەن جوبالار ىسكە اسۋدا. ولاردىڭ ءبىرى «اقىلدى تالدىقورعان» جوباسى.
بۇل سىزگە ۇيدەن شىقپاي-اق، قاجەتتى اقپاراتتى الۋعا جانە كەلەسى باعىتتار بويىنشا وتىنىشتەر جاساۋعا مۇمكىندىك بەرەدى: قالالىق باعىتتار، دەنساۋلىق ساقتاۋ، ءبىلىم بەرۋ، كولىك، كوممەرسيالىق قىزمەتتەر، تۋريزم، سونداي-اق Open Taldyqorgan اتتى اشىق اكىمشىلىككە كەزەك الۋعا ارنالعان.
«109 قىزمەتى» جوباسى — اپاتتىق ەمەس وتىنىشتەر مەن تۇرعىن ۇي-كوممۋنالدىق شارۋاشىلىق ماسەلەلەرى بويىنشا ۇسىنىستاردى قاراستىرادى.
«E-KSK» — ارقىلى وبلىس ورتالىعىنىڭ تۇرعىندارى ەلەكتروندى تۇردە تۇرعىن ءۇيىڭىزدى، شىعىندار سمەتاسىن، شاعىمدار مەن حابارلاندىرۋلارىڭىزدى قاداعالاي الاسىز.
«Smart volunteer» — ەرىكتىلەردىڭ بىر-بىرىمەن، سونىمەن قاتار كومەككە مۇقتاج ادامدارمەن قارىم-قاتىناسى ىڭعايلى بولۋ ءۇشىن ازىرلەنگەن باعدارلاما.
«Fab-Lab» يننوۆاسيالىق زەرتحاناسى — بالالاردى وقىتۋعا قاجەتتى قۇرالدارمەن جابدىقتالعان. بۇل جوبا بالالارعا ءيلليۋستراتيۆتى مىسال ارقىلى، 3D مودەلدەردى قولدانا وتىرىپ ءبىلىم بەرۋگە باعىتتالعان. باعدارلاما ارقاسىندا بالالار سپورتتىق روبوتوتەحنيكانى مەڭگەرە الادى.
«حالىقتىڭ قاتىسۋ بيۋدجەت» — بۇل اقپاراتتىق جۇيە جوسپار بويىنشا 2021 جىلدان باستاپ ىسكە اسىرىلادى. ونىڭ باستى ماقساتى بيۋدجەتتەگى قاراجاتتى ءتيىمدى جۇمساۋ جانە قالانى اباتتاندىرۋ بويىنشا ازاماتتاردىڭ ۇسىنىستارىن قاراستىرۋعا ارنالعان.
قازاقستان رەسپۋبليكاسىنىڭ سيفرلىق دامۋ جانە اەروعارىش ونەركاسىبى مينيسترلىگىنىڭ اقىلدى قالالارى رەيتينگىسى بويىنشا 2020 جىلدىڭ 1 جارتىجىلدىعىنا سايكەس تالدىقورعان رەسپۋبليكانىڭ باسقا قالالارى اراسىندا 2 ورىنعا يە بولدى.
«وسى جوبالار جەرگىلىكتى ازاماتتاردىڭ ۋاقىتىن عانا ۇنەمدەپ قويماي، سونىمەن قاتار كارانتين تالاپتارىن تولىعىمەن ساقتاۋعا مۇمكىندىك بەرەدى»،- دەيدى تالدىقورعان قالاسىنىڭ اقپاراتتاق-تالداۋ ورتالىعىنىڭ ديرەكتورى جانايبەك بەكباسوۆ.
پىكىر قالدىرۋ