الماتىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بريتانيا ازاماتى موحاممەد باراكاتتى 20 جىلعا سوتتادى. ول الماتىداعى InterContinental قوناق ۇيىندە 1 جاسار بالانى ءولتىردى دەپ ايىپتالدى، دەپ حابارلادى The Sun.

قوناق ءۇيدىڭ كامەراسىنا 23 جاستاعى مادينا قىزى سوفيانى كوتەرىپ بارا جاتقانى ءتۇسىپ قالعان. كۋاگەرلەردىڭ ايتۋىنشا، سوفيانىڭ دەنەسى كوگەرگەن. ءارى دەمالماعان. سوفيانىڭ اناسى قوناق ءۇي اكىمشىلىگىنەن كومەك سۇراعان. قىزمەتكەرلەر جەدەل جاردەم شاقىردى. الايدا بالانى امان الىپ قالۋ مۇمكىندىك بولمادى.

InterContinental قىزمەتكەرلەرى مادينا قىزدىڭ ولىمىنە 41 جاستاعى كۇيەۋى موحامماد باراكاتتى ايىپتاعانىن ايتادى. مادينا "ول مەنىڭ قىزىمدى ءولتىردى. ول ونى ۇردى" دەپ بىرنەشە رەت ايقايلاعان.  

موحاممەد باراكات كىناسىن مويىندامادى. ايتۋىنشا، ول قويانشىق اۋرۋىمەن اۋىرادى. قىزى سوفيا موحامماد اۋرۋ ۇستاعاندا قايتىس بولعان. ول ەشتەڭە ەسىندە جوق ەكەنىن ايتادى.

موحاممەد باراكات مالايزيانىڭ AirAsia اۋە كومپانياسىندا ۇشقىش رەتىندە جۇمىس ىستەگەن. ونىڭ مۇنداي دياگنوزبەن قالاي جۇمىس ىستەگەنى تۇسىنىكسىز.