الماتى وبلىسى تالعار اۋدانى قاينار اۋىلدىق وكرۋگىنىڭ ەرىكتى جاستارى الەۋمەتتىڭ الەۋەتىن ارتتىرۋعا وزىندىك ۇلەس قوسۋدا. ولار جاعدايى تومەن 15 وتباسىعا ازىق-تۇلىك سەبەتتەرىن تابىستاعان. بۇل تۋرالى «جەتىسۋ ادالدىق الاڭى» جوبالىق كەڭسەسى جانىنداعى «ادال كومەك» جوباسى اياسىندا ۇيىمداستىرىلعان ءباسپاسوز-ماسليحاتىنا قاينار اۋىلدىق وكرۋگىنىڭ اكىمى ماناتبەك رىسبەكوۆ ءمالىم ەتتى.

قاينار اۋىلىندا اۋىل شارۋاشىلىعى سالاسى بويىنشا 6445 گەكتار جەر بار بولسا، ونىڭ ىشىندە سۋارمالى ەگىستىك جەر 2587 گەكتار، شابىندىق جەر 669 گەكتار، جايىلىمدىلىق جەر 3094 گەكتار، باسقا جەرلەر 98 گەكتاردى قۇراعان.

ال، مال شارۋاشىلىعى سالاسى بويىنشا بارلىق ءىرى-قارا (بۇقا) 1156 باس، سيىر (انالىق) 352 باس، قوي-ەشكى 2846 باس، انالىقتارى 1284 باس، جىلقى 409 باس، 119 (انالىق) باس بولسا، قۇستار سانى 575-كە جەتكەن.

ءبىلىم بەرۋ سالاسى بويىنشا قاينار اۋىلدىق وكرۋگىندە شاعىن ورتا مەكتەبى جۇمىس ىستەۋدە. جالپى، وقۋشىلار سانى 156 بولسا، مەكتەپالدى دايارلىق سىنىبىندا 17 وقۋشى، 25 بالا ءبىلىم الۋدا.  دەنساۋلىق سالاسى بويىنشا ماماندار ەڭبەك ەتۋدە.

اۋىلدىڭ كوركىن كىرگىزۋ ماقساتىندا ابباتتاندىرۋ جۇمىسى دا جولعا قويىلعان. اۋىل ىشىندە ارىقتاردى تازالاۋ سونداي-اق، نەگىزگى توعاندى تەرەڭدەتىپ قازدىرۋ جۇمىستارى جۇرگىزىلگەن. كوكتەمگى اباتتاندىرۋ بارىسىندا 24 ءتۇپ قاراعاي جانە 17 ءتۇپ ارشا اعاشتارى وتىرعىزىلعان.