پەتروپاۆل قالاسىندا 22 جاستاعى جاس انا 3 جاسار قىزىن ەسىنەن تانعانشا سوققان. ءبۇلدىرشىندى دەرەۋ وبلىستىق اۋرۋحاناعا جەتكىزدى. بۇل تۋرالى "حابار 24" ارناسى حابارلادى.
دارىگەرلەر ونىڭ اۋىر دەنە جاراقاتتارىن العانىن ايتادى. ءقازىر وسى ىسكە قاتىستى تەرگەۋ امالدارى باستالدى. پوليسيا وقيعانىڭ جاي-جاپسارىن انىقتاپ جاتىر.
– كۇدىكتى ۋاقىتشا يزولياتورعا قامالدى. وعان قاتىستى قىلمىستىق ءىس قوزعالدى. ءقازىر سوتقا دەيىنگى تەرگەۋ امالدارى ءجۇرىپ جاتىر. ونىڭ بۇل قادامعا نە ءۇشىن بارعانىن انىقتاپ جاتىرمىز. وسىعان دەيىن 22 جاستاعى كەلىنشەك قۇزىرلى ورىنداردىڭ كۇدىگىنە ىلىكپەگەن، – دەدى وبلىستىق پوليسيا دەپارتامەنتى تەرگەۋ باسقارماسى باستىعىنىڭ ورىنباسارى ازات قۇسايىنوۆ.
پىكىر قالدىرۋ