"وتباسى بانكتىڭ" باسقارما ءتورايىمى ءلاززات يبراگيموۆا ءبىرجولعى زەينەتاقى تولەمدەرىن الۋ جولدارى جەڭىلدەتىلگەنىن مالىمدەدى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى.
– 20 كۇننىڭ ىشىندە، ءتىپتى ودان ەرتەرەك enpf-otbasy.kz سايتىندا ءسىزدىڭ تۇرعىن ءۇي جاعدايىڭىزدى جاقسارتۋعا دەگەن ارمانىڭىزعا باستار جولدى جەڭىلدەتە تۇسەتىن قىزمەت ەنگىزىلەدى، – دەپ حابارلادى باسقارما ءتورايىمى.
ونىڭ ايتۋىنشا، پاتەر ساتىپ الۋ نەمەسە زايمدى وتەۋگە ارنالعان قۇجاتتاردى جۇكتەگەنگە دەيىن بىررەتتىك زەينەتاقى تولەمىن العان سوڭ وعان تۋىس ادام بەرگەن قاراجاتتى قوسۋ مۇمكىندىگى بەرىلەدى. ياعني بۇل، اسىرەسە بىررەتتىك زەينەتاقى تولەمىن العاننان كەيىن ۇلكەن قارجىعا جىلجىمايتىن مۇلىك ساتىپ الۋدى جوسپارلانعاندار ءۇشىن ىڭعايلى.
بجزق-دان ەسەپشوتقا اقشا تۇسكەن سوڭ بىررەتتىك زەينەتاقى تولەمىن پايدالانۋ ماقساتىن وزگەرتۋگە جانە تۇزەتۋلەر ەنگىزۋگە بولادى. سونداي-اق ەگەر زەينەتاقى تولەمدەرى ارنايى ەسەپشوتقا ءتۇسىپ قويسا، ول ءوتىنىشتىڭ كۇشىن جوياعا بولادى.
– ەسەپشوتقا اقشا تۇسكەن سوڭ كوپشىلىگىندە اقشانىڭ تۇسكەن، تۇسپەگەنىن قاراي الماي شاتاسىپ جاتادى. سوندىقتان بۇگىننەن باستاپ كليەنتتەرگە اقشانىڭ ارناۋلى ەسەپشوتقا تۇسكەنى تۋرالى ءسۇيىنشى جاڭالىقتى حابارلامامەن جىبەرەمىز. سونىمەن قاتار "وتباسى بانكىندە" نەسيەنى ءىشىنارا مەرزىمىنەن بۇرىن وتەۋ تۋرالى قوسىمشا كەلىسىمگە قول قويۋعا كەڭسەگە بارمايدى. بارلىق قۇجاتتارعا قول قويۋ ينتەرنەت-بانكينگ ارقىلى جۇزەگە اسادى، – دەپ اتاپ ءوتتى ول.
پىكىر قالدىرۋ