ءماجىلىس دەپۋتاتتارى زارينا كاماسوۆا جانە عالىمجان ەلەۋوۆ بۇگىن كوروناۆيرۋس ينفەكسياسىنا قارسى ەكپە جاسادى. بۇل تۋرالى ءماجىلىستىڭ باسپا ءسوز قىزمەتى حابارلادى.
اقپاراتتىق حابارلامادا ءماجىلىس دەپۋتاتتارى ۆاكسينانىڭ باستاپقى كەزەڭىنەن وزدەرىنىڭ مەديسينالىق ارىپتەستەرىمەن قاتار العاشقىلاردىڭ ءبىرى بولىپ وتكەن. ولار VII شاقىرىلىمداعى ءماجىلىس دەپۋتاتتارى بولىپ سايلانعانعا دەيىن ىندەتپەن كۇرەس شەڭبەرىندە ايماقتاردا مەديسينالىق مەكەمەلەردە جۇمىس ىستەگەن.
دەپۋتاتتار جاپپاي ۆاكسيناسيالاۋ ۇجىمدىق يممۋنيتەتتى تەز قالىپتاستىرۋعا جانە قازاقستاندىقتاردىڭ ءومىرىن قالىپتى جاعدايعا كەلتىرۋگە مۇمكىندىك بەرەتىنىنە سەنىم ءبىلدىردى.
– دارىگەر رەتىندە مەن ءقازىر جاپپاي ۆاكسيناسيالاۋ عانا كوروناۆيرۋستىڭ تارالۋىنا قارسى تۇرا الاتىنىن جاقسى تۇسىنەمىن. ارينە، بۇل ءار ادامنىڭ ەركى. مەن ناقتى شەشىم قابىلدادىم: ەكپە جاساتامىن. ويتكەنى، ول مەنىڭ دە، تۋىستارىم مەن دوستارىمنىڭ دا دەنساۋلىعى وسىعان بايلانىستى، – دەدى ءماجىلىس دەپۋتاتى عالىمجان ەلەۋوۆ.
دەپۋتاتتار ەكپە ەنگىزىلگەننەن كەيىن دەنساۋلىقتارىنىڭ ءبىرقالىپتى ەكەندەرىن ايتتى.
ءماجىلىستىڭ باسپا ءسوز قىزمەتى قالعان دەپۋتاتتاردى ۆاكسيناسيالاۋ ناۋرىز ايىندا دەنساۋلىق ساقتاۋ مينيسترلىگىنىڭ كەستەسىنە سايكەس جۇرگىزىلەتىنىن ءمالىم ەتتى. ال ءماجىلىس ءتوراعاسى نۇرلان نىعماتۋلين وسىعان دەيىن كوروناۆيرۋس ينفەكسياسىمەن اۋىرعاندىقتان، جەتكىلىكتى انتيدەنەلەر بار ەكەنى حابارلانىپ، وعان ەكپە سالدىرۋدى قاجەت ەتەتىن مەديسينالىق كورسەتكىشتەر جوق ەكەنى حابارلاندى.
پىكىر قالدىرۋ