شىعىس قازاقستان وبلىسىندا جەدەل جاردەم كولىگى جول اپاتىنا ءتۇستى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى حابارلادى.

دەپارتامەنت مالىمەتىنشە، وقيعا 3 اقپان كۇنى ساعات 19:25 شاماسىندا بولعان. "داف" ماركالى جۇك كولىگىنىڭ 29 جاستاعى جۇرگىزۋشىسى وسكەمەن قالاسىنان سەمەيگە قاراي جول تارتقان. بۇرقاسىن مەن كوكتايعاقتىڭ كەسىرىنەن ءرۋلدى باسقارا الماي، جولدىڭ قارسى بەتىندەگى "گاز-A31R23" ماركالى جەدەل جاردەم كولىگىمەن سوقتىعىسقان.

"جەدەل جاردەمنىڭ 1972 جانە 1979 جىلدارى تۋعان 2 جولاۋشىسى اۋىر دەنە جاراقاتىنان وقيعا ورنىندا قايتىس بولدى. جەدەل جاردەمنىڭ 44 جاستاعى جۇرگىزۋشىسى دەنە جاراقاتىمەن سەمەي قالاسىنىڭ اۋرۋحاناسىنا جەتكىزىلدى" دەلىنگەن حابارلامادا.

وقيعا بويىنشا قىلمىستىق كودەكستىڭ 345-بابى 4-بولىگى ("كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى،  ابايسىزدا ەكi نەمەسە ودان دا كوپ ادامنىڭ ءولiمiنە اكەپ سوققان ىس-ارەكەت") بويىنشا سوتقا دەيىنگى تەرگەۋ باستالدى. ءبىرقاتار سوت ساراپتامالارى تاعايىندالدى. سوتقا دەيىنگى تەرگەۋ جالعاسىپ جاتىر.