رەسەي وپپوزيسيونەرى الەكسەي ناۆالنىيدىڭ تۇرمەگە جابىلۋىنا قارسىلىق رەتىندە ەۋروپا ءپۋتيننىڭ قارجىسىنا قىسىم جاساپ، قارجىلىق بانكروت جاساۋدى باستادى. بۇل تۋرلاى Reuters، AFP جانە The Daily Express باسىلىمدارى حابارلادى.
وسى اپتادا رەسەي بيلىگى ناۆالنىيدى شارتتى تۇردە سوتتاۋ شەشىمدەرىن وزگەرتىپ، ءۇش جارىم جىلعا باس بوستاندىعىنان ايىردى.
ناۆالنىيدىڭ ايماقتىق ۇيلەستىرۋشىسى لەونيد ۆولكوۆ ءپۋتيننىڭ وپپوزيسيونەردى تۇرمەگە جابۋى "ستراتەگيانىڭ ءبىر بولىگى" دەپ مالىمدەدى.
AFP باسىلىمىنا سۇحبات بەرگەن ۆولكوۆ "سوت ۇكىمىنەن كەيىن ورىس حالقى ناۆالنىيدى ودان ءارى قولداي تۇسەدى" دەپ سانايدى.
The Moscow Times اقپاراتىنشا، ناۆالنىيدىڭ "ءپۋتيننىڭ جاقىن دوستارىنىڭ، وداقتاستارىنىڭ، پۋتين وليگارحتارىنىڭ اكتيۆتەرىن جاريا ەتۋى، ولاردىڭ حالىقتان جاسىرعان اقشاسى مەن بايلىقتارىن اشۋى" بيلىككە ۇلكەن سوققى بولعان.
ال وتكەن ايدا ەۋروپارلامەنت دەپۋتاتتارى ەو ەلدەرىن "رەسەيگە قارسى سانكسيالاردى قاتتى كۇشەيتۋگە شاقىردى" دەلىنگەن ەۋروپالىق پارلامەنتتىڭ باسپا ءسوز حابارلاماسىندا.
ەۋروپالىق پارلامەنتتىڭ وسى ماسەلەگە قاتىستى قاۋلىسى 581-50 داۋىسپەن ماقۇلداندى. ولار ناۆالنىيدىڭ تۇرمەگە قامالۋىنا قاتىسى بار "جەكە جانە زاڭدى تۇلعالارعا" سانكسيا سالۋ تۋرالى شەشىم قابىلدادى.
بريفينگتە ەۋروپارلامەنت دەپۋتاتتارى "ەو ەندى شىعۋ تەگى تۇسىنىكسىز رەسەي بايلىعىن تەسەرۋى كەرەك" دەپ اتاپ ءوتتى.
سونىمەن قاتار الداعى ۋاقىتتا گەرمانيا دا رەسەيگە قارسى سانكسيالار قاراستىراتىنى جاريالاندى.
گەرمانيا كانسلەرى انگەلا مەركەل ناۆالنىيدىڭ قاماۋعا الىنۋىن "كەز كەلگەن زاڭ نورمالارىنا قايشى" دەپ سيپاتتادى.
رەسەي وپپوزيسيونەرىنىڭ تۇرمەگە جابىلۋى رەسەي استاناسى ماسكەۋدە شەرۋلەرگە سەبەپ بولدى.
الەۋمەتتىك جەلىگە جاريالانعان ۆيدەولاردا پوليسيانىڭ نارازىلىق بىلدىرۋشىلەردى ۇرىپ، قاقتىعىسىپ جاتقانى كورسەتىلگەن.
حابارلامالار العاشقى ءار تولقۋ كەزىندە 4 مىڭنان استام ادام قاماۋعا الىنعان دەپ بولجايدى.
ناۆالنىي پۋتين اكىمشىلىگىن جەمقور دەپ سىناعان. سونىمەن قاتار رەسەي پرەزيدەنتىن بىلتىر تامىزداعى "ۋلاۋ وقيعاسىنىڭ ارتىندا تۇر" دەپ ايىپتادى.
پىكىر قالدىرۋ