ءبىلىم جانە عىلىم مينيسترلىگى 8 كوللەدجدىڭ ليسەنزياسىن قايتارىپ الدى. وسىعان بايلانىستى ولاردىڭ قىزمەتى تولىعىمەن توقتاتىلدى. بۇل تۋرالى مينيسترلىكتىڭ رەسمي سايتى حابارلادى.
"ءبىلىم جانە عىلىم سالاسىندا ساپانى قامتاماسىز ەتۋ كوميتەتى وقۋ ورىندارىنىڭ ءبىلىم بەرۋ قىزمەتىنە مونيتورينگ جۇرگىزىپ، ءتيىستى ماتەريالدىق-تەحنيكالىق بازاسى جوق كوللەدجدەردى انىقتادى. ول وقۋ ورىندارىندا ساباق جۇرگىزىلمەگەن نەمەسە مەكتەپ تۇلەكتەرى سول كوللەدجدەرگە (ءبىرىنشى كۋرسقا) وقۋعا تۇسۋگە قىزىعۋشىلىق تانىتپاعان.
مىسالى، كوكشەتاۋ زاڭ كوللەدجى مەن تالدىقورعان زاڭ كوللەدجىندە ءبىلىم العان ستۋدەنتتەر تۇلەك اتانعان سوڭ، اتالمىش وقۋ ورىندارىنىڭ باسشىلىعى ليسەنزيالارىن ءوز ەركىمەن قايتارۋ تۋرالى شەشىم قابىلدادى" دەلىنگەن حابارلامادا.
مينيسترلىكتىڭ مالىمدەۋىنشە، بارلىق جابىلعان كوللەدج ستۋدەنتتەرى باسقا وقۋ ورىندارىنا ۋاقىتىلى اۋىستىرىلدى جانە وقىتۋشىلارى دا جۇمىسپەن قامتاماسىز ەتىلگەن.
پىكىر قالدىرۋ