الماتى قالاسى اكىمىنىڭ باسپا ءسوز قىزمەتى الماتى اۋەجايى ماڭىندا اپاتقا ۇشىراعان ان-26 اسكەري ۇشاعىنداعى ادامداردىڭ جاعدايى تۋرالى حابارلادى.
"جاعدايلارى وتە اۋىر. دارىگەرلەر زارداپ شەككەندەردىڭ ءومىرىن قۇتقارۋ ءۇشىن بار كۇشتى سالۋدا. بارلىق كادرلار، سونىڭ ىشىندە قالانىڭ باس رەانيماتولوگى جۇمىلدىرىلدى" دەلىنگەن رەسمي سايت تاراتقان حابارلامادا.
اپاتتان 4 ادام قايتىس بولىپ، 2 ادام زارداپ شەككەن. جاراقات العانداردىڭ ءبىرى 1987 جىلعى، ونىڭ سول جاق سانى سىنىپ، جابىق باس سۇيەك-مي جاراقاتىن العان. ال ەكىنشى ادام – 1996 جىلعى. ول اشىق باس سۇيەك-مي جاراقاتى، قول ساۋساقتارىنىڭ سىنۋى، 2-3 دارەجەلى دەنە كۇيىگىمەن الماتى قالالىق 4 قكب جانساقتاۋ بولىمىندە جاتىر.
پىكىر قالدىرۋ