الماتى قالاسىنىڭ اكىمى باقىتجان ساعىنتايەۆ ۇشاق اپاتىنان قايتىس بولعانداردىڭ تۋىستارىنا كوڭىل ايتىپ، زارداپ شەككەندەرگە بارلىق قاجەتتى مەديسينالىق كومەك كورسەتىلىپ جاتقانىن جەتكىزدى.
قالا اكىمى Twitter-اككاۋنتىندا جاعدايدى باقىلاۋدا ۇستاپ وتىرعانىن حابارلادى.
– ان-26 اسكەري ۇشاعى قۇلاعان جەرگە باردىم. ءتيىستى قىزمەت وكىلدەرىنە بولعان وقيعانىڭ سالدارىن جويۋدى تاپسىردىم. قازا بولعانداردىڭ تۋىستارى مەن جاقىندارىنا كوڭىل ايتامىن. زارداپ شەككەندەرگە بارلىق قاجەتتى مەديسينالىق كومەك كورسەتىلۋدە، – دەدى ساعىنتايەۆ.
بۇگىن ۇقك شەكارا اسكەرلەرىنە تيەسىلى ان-26 ۇشاعى الماتى قالاسى اۋەجايىنىڭ جانىنداعى قىزىل تۋ كەنتىنىڭ ماڭىنا قۇلاپ، 4 ادام قازا تاپقان.
پىكىر قالدىرۋ