قازاقستاننىڭ تۇڭعىش پرەزيدەنتى نۇرسۇلتان نازاربايەۆ الماتى قالاسىندا بولعان ۇشاق اپاتىنان قايتىس بولعانداردىڭ تۋىستارىنا كوڭىل ايتتى.
– الماتى قالاسىنىڭ اۋەجايىندا ۇشاقتىڭ اپاتقا ۇشىراۋى سالدارىنان ادامداردىڭ قازا تاپقانى تۋرالى حاباردى كۇيزەلىسپەن قابىلدادىم.
قايعىلارىڭىزعا ورتاقتاسا وتىرىپ، قازا تاپقان اسكەريلەردىڭ تۋىستارى مەن جاقىندارىنا كوڭىل ايتامىن. زارداپ شەككەندەردىڭ تەزىرەك ساۋىعىپ، وتباسىلارىنا ورالۋىنا تىلەكتەستىك بىلدىرەمىن، – دەلىنگەن جەدەلحاتتا.
بۇگىن ۇقك شەكارا اسكەرلەرىنە تيەسىلى ان-26 ۇشاعى الماتى قالاسى اۋەجايىنىڭ جانىنداعى قىزىل تۋ كەنتىنىڭ ماڭىندا اپاتقا ۇشىراپ، 4 ادام قازا تاپتى. 2 ادام جاراقات الدى. زارداپ شەككەندەردىڭ جاعدايلارى وتە اۋىر.
الماتى قالاسىنىڭ اكىمى باقىتجان ساعىنتايەۆ ۇشاق اپاتىنان قايتىس بولعانداردىڭ تۋىستارىنا كوڭىل ايتىپ، زارداپ شەككەندەرگە بارلىق قاجەتتى مەديسينالىق كومەك كورسەتىلىپ جاتقانىن جەتكىزدى.
پىكىر قالدىرۋ