ول اجىراستى، جۇمىسسىز قالدى، پاناسىز كوشەدە قالماس ءۇشىن مەملەكەتتەن جاردەماقى الىپ كۇنەلتتى. وعان كلينيكالىق دەپرەسسيا دياگنوزى قويىلىپ، وزىنە-وزى قول جۇمساۋدى ويلادى. ءبىراق ول كەيىن العاشقى ميللياردەر جازۋشى بولدى. ول تابىسىنىڭ كوبىسىن قايىرىمدىلىققا اۋداردى.

ول ۋنيۆەرسيتەتتى بىتىرگەننەن كەيىن جەتى جىل وتسە دە، اۋىز تولتىرارلىقتاي جەتىستىگى بولماعان سياقتى سەزىنگەن سوڭ، ءوزىن "جەڭىلىسكە ۇشىراعان ادام" دەپ سانادى. ونىڭ نەكەسى ساتسىزدىككە ۇشىرادى.

ول وزىنە تاۋەلدى بالاسى بار جانە جۇمىسسىز قالدى. وسى كەزدە وعان كلينيكالىق دەپرەسسيا دياگنوزى قويىلىپ، وزىنە-وزى قول جۇمساۋدى ويلادى.

ونىڭ دەپرەسسياسى دەمونتورلار دەپ اتالاتىن كەيىپكەرلەردى دۇنيەگە اكەلۋگە سەبەپ بولدى. ول ءوزىنىڭ جازعان ءۇشىنشى كىتابىندا جاندى سوراتىن تىرشىلىك يەلەرىن دەپرەسسياعا بايلانىستىردى.

وعان قوسا، ول ءوزىنىڭ الەۋمەتتىك مارتەبەسىن "قازىرگى بريتانيادا دالادا پاناسىز قالماعان كەدەي" دەپ سيپاتتادى.

ول الەمگە ايگىلى گارري پوتتەردىڭ اۆتورى دجوان روۋلينگ ەدى.

ونىڭ ومىرىندەگى ەڭ اۋىر ءسات ونىڭ اناسىنىڭ قايتىس بولعان كەزى بولعان-دى. ول كەزدە روۋلينگ 25 جاستا بولدى. اناسى ومىردەن وزعان كەزدە گارري پوتتەردى جازىپ باستاعانىنا 6 اي بولعان ەدى. كەيىن ول اناسىنا جازعان جۇمىسى تۋرالى ايتپاعانىنا وكىندى.

شەشەسى كوز جۇمعان سوڭ ول انگليادان پورتۋگالياعا كەتتى، سەبەبى جىگىتى پورتۋگال بولدى. ونىمەن باردا تانىسقان، ەكەۋى دە اعىلشىن جازۋشىسى دجەين وستينعا قىزىققان، سودان كەيىن ءبىر-بىرىن ۇناتۋ سەزىمى كۇشەيگەن.

دەگەنمەن پورتۋگاليادا ونىڭ ءومىرى باقىتتى بولمادى. ءبىرىشى قىزىن ومىرگە اكەلدى، الايدا، نەكەدەن 13 ايدان كەيىن اجىراستى. سودان كەيىن بريتانياعا قايتتى. ول كەزدە روۋلينگ گارري پوتتەردىڭ العاشقى 3 ءبولىمىن جازىپ جاتقان ەدى. ءبىر قىزىعى، روۋلينگ مانچەستەردەن لوندونعا باراتىن پايىزدان كەشىگىپ قالعان كەزدە، ونىڭ ويىنا قيال-عاجايىپ وقيعالار كەلگەن. كەيىن بۇل وقيعالار مەن اڭگىمەلەر الەمگە تانىمال گارري پوتتەرگە اينالعان.

كەيىنىرەك روۋلينگ ەدينبۋرگكە قايتىپ،  اپكەسىنىڭ ءۇيىنىڭ قاسىنان پاتەر جالدادى. روۋلينگ جۇمىسسىز بولدى. باقىتىنا جاراي ۇلىبريتانيا جۇمىسسىز ازاماتتارىنا جاردەماقى بەرەتىن ساياساتى بار ەدى. ول جۇمىسسىز كەزىندە ەڭ تومەنگى جاردەماقى الىپ، گارري پوتتەردى جازۋدى جالعاستىردى. ونىڭ سەبەبى رەتىندە روۋلينگ كىتاپ جازۋ ومىردەن تۇڭىلگەن كەزدەگى ءوزىنىڭ حوببيى بولعانىن ايتتى. روۋلينگ ەشقاشان كىتاپ ارقىلى ميللياردەر جازۋشى بولام دەپ ويلاماعان ەدى.

ول قىزى قاسىندا ۇيىقتاپ جاتقاندا كافەدە وتىرىپ، قيال-عاجايىپقا تولى كىتابىن جازاتىن. روۋلينگتىڭ كافەدە وتىراتىن سەبەبى ءار ءتۇرلى ايتىلادى. كەي اقپاراتتار ول تۇرعان پاتەردە جىلۋ جوق دەسە، كەي اقپاراتتار روۋلينگ كوفە ىشكەندى جاقسى كوردى دەيدى.

"كەز كەلگەن ستاندارت بويىنشا، مەن ەڭ اۋىر جەڭىلىس تابۋشى بولدىم" دەيدى روۋلينگ ەسكە الىپ. روۋلينگ سول كەزدەگى دەپرەسسيانى ويلاعاندا، ءوزىنىڭ سۋيسيدكە بارعىسى كەلگەنىن مويىندادى.

سول ۋاقىتتاردا ول گارري پوتتەردى جازۋ ءۇشىن كومپيۋتەر ساتىپ الۋعا اقشاسى جوق بولدى، ءتىپتى اڭگىمەلەرىن باسىپ شىعاراتىن، كوشىرمە جاسايتىن دا اقشاسى بولمادى. ول جازعاندارىن 12 باسپاحاناعا جىبەردى، ءبىراق ءبارى كەرى قايتاردى. روۋلينگ ءۇمىتىن ۇزە باستادى. ءبىر كۇنى لوندوندا ورنالاسقان Bloomsbury دەگەن شاعىن باسپاحانا ونىڭ اڭگىمەسىن باسۋعا اياق استىنان كەلىسىم بەردى سەبەبى باسپاحانا يەسىنىڭ 8 جاستاعى قىزى قيال-عاجايىپقا تولى اڭگىمەلەردى ۇناتىپ قالعان ەكەن.

كەيىنىرەك روۋلينگتىڭ كىتابى 450 ميلليون رەت باسىلىپ، الەمگە ايگىلى بولدى. كوپتەگەن سيلىقتاردى جەڭىپ الدى جانە فيلمدەرگە اينالىپ جارىق كوردى. 2011 جىلى Forbes روۋلينگتىڭ تاباىسى ميلليارد دوللاردان اسقانىن جاريالادى جانە ەڭ تابىستى جازۋشى عانا ەمەس ەڭ تاىستى ونەر ادامى دەپ اتادى.