مەملەكەتتىك قىزمەت ىستەرى اگەنتتىگى الماتى وبلىسى جاركەنت قالاسىنىڭ اكىمى بولات وماروۆتىڭ ۇستىنەن قىزمەتتىك تەكسەرىس باستادى. تەكسەرىسكە قالا اكىمىنىڭ جۇك كولىكتەرى جۇرگىزۋشىلەرىمەن دورەكى سويلەسكەنى كورىنگەن ۆيدەو سەبەپ بولعان.
22 ساۋىردە "قورعاس" شەكارا ماڭى ىنتىماقتاستىعى حالىقارالىق ورتالىعىنداعى Nur joly ستانساسىندا ەكى جۇك كولىگىنىڭ جۇرگىزۋشىسى اكىمشىلىك كودەكستىڭ 434-بابى (ۇساق بۇزاقىلىق) بويىنشا قاماۋعا الىنعان. شەكارا اۋماعىندا كەزەكتە تۇرعان 100 جۋىق جۇك كولىگىنىڭ جۇرگىزۋشىسى پانفيلوۆ اۋداندىق پوليسيا ءبولىمىنىڭ الدىنا جينالىپ، ارىپتەستەرىن بوساتۋدى تالاپ ەتكەن. الەۋمەتتىك جەلىدە تاراعان ۆيدەودان جينالعانداردى تاراۋعا شاقىرۋعا كەلگەن اكىم دورەكى سويلەگەنى كورىنەدى.
– ولار زاڭدى بۇزعانى ءۇشىن ۇستالدى. مۇندا نە ىستەپ تۇرسىڭدار؟ بوقتاما. نە سىعالاپ تۇرسىڭ؟ بالە ىزدەپ تۇرسىڭ با سەن؟ قايتساڭدارشى، نە بار مىندا؟، – دەيدى اكىم.
ونىڭ بۇل سوزدەرىنە جۇرگىزۋشىلەر نارازىلىق تانىتىپ، "نەگە دىكىلدەپ سويلەيسىز، ءبىزدى قورقىتپاڭىز، ءسىزدى سءىزدى حالىق سايلاعان جوق پا" دەيدى. سوندا اكىم "مەنى سەن سايلاعان جوقسىڭ" دەپ جاۋاپ بەرەدى.
مەملەكەتتىك قىزمەت ىستەرى اگەنتتىگى الماتى وبلىسى بويىنشا دەپارتامەنتىنىڭ مالىمەتىنشە، اتالعان فاكتى بويىنشا الماتى وبلىسى اكىمى اپپاراتى باسشىسىنىڭ اتىنا قىزمەتتىك تەكسەرىس جۇرگىزۋ تۋرالى حات جولدانىپ، ونىڭ ناتيجەلەرى بويىنشا ءتيىستى شارالار قابىلدانباق.
پوسموترەت ەتۋ پۋبليكاسيۋ ۆ Instagram
پىكىر قالدىرۋ