كوكشەتاۋلىق پوليسەيلەر 12 جاسار بالانى ىزدەستىرىپ جاتىر. بۇل تۋرالى اقمولا وبلىسى پوليسيا دەپارتامەنتىنىڭ باسپا ءسوز قىزمەتى حابارلادى.
"26 ساۋىردە ساعات 14:21-دە كوكشەتاۋ قالاسى پوليسيا بولىمشەسىنىڭ كەزەكشى بولىمىنە 1984 جىلعى ەر ادام قوڭىراۋ شالىپ، بالاسىنىڭ جوعالىپ كەتكەنى تۋرالى حابارلادى. ساعات 13.00-دە ونىڭ 12 جاستاعى ۇلى كريۆونوجكو سەرگەي الەكساندروۆيچ اپكەسىن №16 مەكتەپكە اپارۋعا شىعىپ، سودان ءىز-تۇسسىز جوعالىپ كەتكەن" دەلىنگەن حابارلامادا.
بالا قارا تريكو، قارا كروسسوۆكا، كوك كۋرتكا جانە قارا باس كيىم كيگەن.
پوليسيا قىزمەتكەرلەرى بالانىڭ قايدا ەكەنى تۋرالى قانداي دا ءبىر اقپارات بويىنشا "102" نومىرىنە دەرەۋ حابارلاۋدى سۇرايدى.
پىكىر قالدىرۋ