باتىس قازاقستان وبلىسى چاپايەۆ-جاڭاقالا-سايحين اۆتوجولىندا جول اپاتى بولىپ، ءتورت ادام كوز جۇمدى. بۇل تۋرالى وبلىستىق پوليسيا دەپارتامەنتى حابارلادى.

قايعىلى وقيعا 1 شىلدە كۇنى، ساعات 21:00 شاماسىندا بولعان. چاپايەۆ-جاڭاقالا-سايحين  اۆتوجولىندا لادا گرانتا كولىگىنىڭ جۇرگىزۋشىسى ورالدان، وعان قارسى باعىتتا ۆاز-2107 اۆتوكولىگى كەلە جاتادى. ءبىر مەزەتتە لادا كولىگىنىڭ جۇرگىزۋشىسى ءرۋلدى باسقارا الماي، قارسى جولاققا شىعىپ ۆاز-2107 اۆتوكولىگىمەن سوقتىعىسقان. 

سالدارىنان ءتورت ادام، ونىڭ ىشىندە جەتى جاسار بالا قايتىس بولدى. تاعى سەگىز ادام جاراقات الدى.

ءقازىر اتالعان ءىس بويىنشا قىلمىستىق كودەكستىڭ 345-بابى، 4-تارماعى بويىنشا (ابايسىزدا ەكi نەمەسە ودان دا كوپ ادامنىڭ ءولiمiنە اكەپ سوققان، جول قوزعالىسى ەرەجەلەرىن بۇزۋ) سوتقا دەيىنگى تەرگەۋ باستالدى. وقيعانىڭ ءمان-جايى مەن سەبەپتەرى انىقتالىپ جاتىر.