شىمكەنتتە تەمىر جول كوپىرىندە تيك-توققا ۆيدەو تۇسىرمەك بولعان ءجاسوسپىرىم قىزدى توق سوعىپ، دەنەسىن تۇگەل دەرلىك كۇيىك شالعان. بۇل تۋرالى ەۋرازيا ءبىرىنشى ارناسى حابارلادى.
وقىس وقيعا كەشە شامامەن ساعات 22:00-دە بولعان. كۋاگەرلەردىڭ سوزىنشە، 15 جاستاعى قىز كوپىر ۇستىندەگى تەمىر تورعا ورمەلەپ شىعىپ، تيك-توكقا ۆيدەو تۇسىرمەك بولعان. قىزدى توق ۇرعان كەزدە قۇددى وتشاشۋ سەكىلدى بولعان. كەيىن ءجاسوسپىرىمنىڭ قاتتى قينالعان داۋىسى شىققان. ءبىراق سول ماڭنىڭ بارىندە جوعارعى كەرنەۋلى ەلەكتور توعى جۇرگىزىلگەندىكتەن ەشكىم كومەكتەسۋگە بەتتەي الماعان. تەك توتەنشە قۇتقارۋ قىزمەتى كەلىپ، ەلەكتر ەنەرگياسىن وشىرگەننەن كەيىن عانا كۇيىپ قالعان قىزدى تومەنگە تۇسىرگەن.
جوعارعى كەرنەۋلى توق ۇرۋى سالدارىنىن قىزدىڭ دەنەسىندەگى سۇيەكتەرگە دەيىن كۇيىپ كەتكەن. دەنەسى مەن اعزاسىنىڭ 91 پايىزىن كۇيىك شالعان ول اۋىر حالدە جانساقتاۋ بولىمىندە جاتىر. مامانداردىڭ ايتۋىنشا، قىز امان قالعان كۇننىڭ وزىندە مۇگەدەك بولىپ قالۋى ابدەن مۇمكىن. ال ەمدەۋ مەن وڭالتۋ شارالارى ۇزاق ۋاقىتتى قاجەت ەتەدى.
قازىرگى تاڭدا وقيعاعا قاتىستى قازىرگى تاڭدا سوتقا دەيىنگى تەرگەۋ جۇمىستارى باستالدى.
پىكىر قالدىرۋ