قازگيدرومەت قازاقستاننىڭ وڭتۇستىگىندە ىستىق كۇتىلەتىنىن جانە سولتۇستىكتە جاڭبىر جاۋاتىنىن حابارلادى.

"24 شىلدەدە قازاقستاننىڭ باتىسىندا، 24-25 شىلدەدە سولتۇستىك-باتىستا، 25-26 شىلدە ەلدىڭ سولتۇستىگىندە قاتتى جاڭبىر جاۋىپ، نايزاعاي ويناپ، ەكپىندى جەل سوعادى، بۇرشاق بولۋى دا ىقتيمال. وڭتۇستىك جانە وڭتۇستىك-باتىستا جاۋىن-شاشىنسىز ىستىق اۋا رايى كۇتىلەدى"، دەلىنگەن حابارلامادا.

سينوپتيكتەر الداعى ۋاقىتتا 46 گرادۋسقا ىستىق بولادى دەپ بولجاۋدا. 

كۇندىز وڭتۇستىكتە، وڭتۇستىك-باتىستا اۋا تەمپەراتۋراسى 38-46 گرادۋسقا دەيىن، وڭتۇستىك-شىعىستا، شىعىستا جانە ورتالىقتا 38-42 گرادۋسقا دەيىن كوتەرىلەدى دەپ كۇتىلۋدە. ال سولتۇستىكتە، كەرىسىنشە، اۋا تەمپەراتۋراسى 32-40 گرادۋستان بىرتىندەپ 20-30 گرادۋسقا دەيىن تۇسەدى.