21-22 شىلدە ارالىعىندا پرەمەر-مينيستر اسقار مامين اقتوبە وبلىسىنا جۇمىس ساپارىمەن كەلىپ، جۇمىس بارىسىندا ءوڭىردىڭ الەۋمەتتىك-ەكونوميكالىق دامۋىمەن تانىستى.
ۇكىمەت باسشىسى «اقتوبە» يندۋستريالىق ايماعىندا ورنالاسقان «زەردە-كەراميكا اقتوبە» ج ش س زاۋىتىن ارالادى. كاسىپورىننىڭ قۋاتى – جىلىنا 5 ملن م² كەراموگرانيت پەن كەراميكالىق پليتكا. جوباعا سالىنعان ينۆەستيسيا كولەمى 9،2 ملرد تەڭگەنى قۇرايدى، ونى وسى جىلدىڭ ءۇشىنشى توقسانىندا پايدالانۋعا بەرۋ جوسپارلانعان. كاسىپورىندا 200-دەن استام جۇمىس ورنى قۇرىلدى.
اسقار مامين وندىرىستىك قۋاتى جىلىنا 122 رەنتگەن اپپاراتى مەن كەشەنىن قۇرايتىن «اقتوبەرەنتگەن» اق زاۋىتىنىڭ جۇمىسىمەن تانىستى. ءونىمنىڭ ءبىر بولىگى رەسەيگە، وزبەكستانعا، تاجىكستانعا جانە قىرعىزستانعا ەكسپورتتالادى.
بيىل مەملەكەتتىك قولداۋ شارالارىمەن اقتوبە وبلىسىنىڭ 3،3 مىڭنان استام شوب سۋبەكتىسى قامتىلادى. ۇكىمەت باسشىسى «پو گلوبال-سپەسودەجدا» ج ش س تىگىن فابريكاسىنىڭ جۇمىسىمەن تانىستى، وندا 200-گە جۋىق ادام جۇمىس ىستەيدى. كاسىپورىن جىل سايىن 1،2 ملن-عا دەيىن ءونىم شىعارادى. ارنايى كيىمدەردىڭ، قورعانىش قۇرالدارىنىڭ، ارنايى كيىمدەردى شىعارۋعا ارنالعان جىلىتقىشتاردىڭ كەڭ نومەنكلاتۋراسىنىڭ ءوندىرىسى جولعا قويىلعان.
پرەمەر-مينيستر ءوڭىردىڭ ەنەرگەتيكالىق الەۋەتىنىڭ دامۋىن تەكسەردى. ا. مامين «اقتوبە جەو» اق-عا باردى، وندا قازىرگى ۋاقىتتا كادەگە جاراتۋشى قازاندىعى بار، قۋاتى 57 مۆت گاز تۋربينالىق قوندىرعىسىنىڭ قۇرىلىسى ءجۇرىپ جاتىر. جوبانى ىسكە اسىرۋ ستانسيانىڭ قۋاتىن 175 مۆت-قا دەيىن ارتتىرۋعا مۇمكىندىك بەرەدى. جۇمىستاردى 2021 جىلعى جەلتوقسان ايىندا اياقتاۋ جوسپارلانعان.
قارعالى اۋدانىنىڭ بادامشا كەنتىندە اسقار مامين «Arm Wind» ج ش س جەل ەلەكتر ستانسياسىنىڭ جۇمىسىمەن تانىستى. قازىرگى ۋاقىتتا جەل ەلەكتر ستانسياسىنىڭ ەكىنشى كەزەگىنىڭ قۇرىلىسى جۇرگىزىلۋدە. ستانسيا جىل سايىن ساعاتىنا 100 مۆت ەلەكتر ەنەرگياسىن وندىرەتىن بولادى. ينۆەستيسيا كولەمى $85 ملن قۇرايدى، اياقتاۋ مەرزىمى – بيىلعى جىلدىڭ قىركۇيەك ايى.
اسقار مامين «اقتوبە – اتىراۋ – استراحان» رەسپۋبليكالىق اۆتوجولىن رەكونسترۋكسيالاۋ بارىسىن تەكسەردى. بيىل «اقتوبە – قاندىاعاش» ۋچاسكەسىندە جول قوزعالىسى اشىلادى، «قاندىاعاش – ماقات» اۆتوجولىنىڭ ۋچاسكەسى وسى جىلدىڭ سوڭىنا دەيىن پايدالانۋعا بەرىلەدى. پرەمەر-مينيستر تاس جولدى قايتا جاڭارتۋ جۇمىستارىن ساپالى ءارى بەلگىلەنگەن مەرزىمدە اياقتاۋدى تاپسىردى.
ۇكىمەت باسشىسى اقتوبە قالاسىنداعى «باتىس-2» شاعىن اۋدانىنىڭ سالىنۋ بارىسىمەن تانىستى، ونىڭ قۇرىلىسىن 2025 جىلى اياقتاۋ جوسپارلانىپ وتىر. بيىل وڭىردە 1 ملن م² استام تۇرعىن ءۇيدى پايدالانۋعا بەرۋ جوسپارلانعان.
مارتوك اۋدانىندا اسقار مامين «مilker» ج ش س جەم-شوپ تۇيىرشىكتەرىن ءوندىرۋ زاۋىتىن ارالادى. ينۆەستيسيالىق جوبانىڭ قۇنى 700 ملن تەڭگەنى قۇرايدى، كاسىپورىننىڭ وندىرىستىك قۋاتى – جىلىنا جوڭىشقا پىشەنىنەن 12 مىڭ توننا تۇيىرشىكتەلگەن قۇراما جەم. دايىن ءونىم قازاقستاندا دا، ودان تىس جەرلەردە دە، اتاپ ايتقاندا، قىتايدا، رەسەيدە، يراندا جانە بىرىككەن اراب امىرلىكتەرىندە زور سۇرانىسقا يە.
سونداي-اق ق ر پرەمەر-مينيسترى ا. مامينگە اقتوبە وبلىسىنىڭ بالىق سالاسىن دامىتۋدىڭ 2030 جىلعا دەيىنگى وڭىرلىك باعدارلاماسى تانىستىرىلدى. 10 جىل ىشىندە سالاعا 37 ملرد تەڭگە جەكە ينۆەستيسيا تارتۋ، 400-دەن استام جاڭا جۇمىس ورنىن قۇرا وتىرىپ، شارۋاشىلىقتار سانىن 72 سۋبەكتىگە دەيىن ارتتىرۋ جوسپارلانعان.
«Green Capital Kazakhstan» ج ش س جىلىجاي كەشەنىن ارالاۋ بارىسىندا پرەمەر-مينيسترگە جىلىجاي ونىمدەرىن ءوندىرۋ بويىنشا قازىرگى جاعداي جانە وسى سالانى ودان ءارى دامىتۋ پەرسپەكتيۆاسى تانىستىرىلدى. سوڭعى ءۇش جىلدا اقتوبە وبلىسىندا 8 جاڭا جىلىجاي ىسكە قوسىلدى. 2025 جىلعا دەيىن جالپى سوماسى 17 ملرد تەڭگە بولاتىن تاعى ەكى ءىرى جوبانى ىسكە اسىرۋ كوزدەلگەن. بۇل جىلىجاي ونىمدەرىن ءوندىرۋ كولەمىنىڭ 40%-عا ءوسۋىن قامتاماسىز ەتەدى دەپ كۇتىلۋدە.
پىكىر قالدىرۋ