پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ جالعان ۆاكسينا جاسايتىندار تۇبىندە ۇستالاتىنىن مالىمدەدى. ول بۇل تۋرالى "وتكرىتىي ديالوگ" باعدارلاماسىندا ايتتى.
ابايەۆ سۇحبات بارىسىندا جالعان ۆاكسينا پاسپورتىن جاسايتىندارمەن كۇرەستىڭ قالاي ءجۇرىپ جاتقانىن ايتتى.
– قۇپيا ساتىپ الۋشى دەگەن بار. ءبىزدىڭ قۇزىرلى ورگاندار بۇل ءتاسىلدى قولدانا ما بىلمەيمىن. مىسالى، پوليسيا وكىلى ازاماتتىق فورمادا جالعان ۆاكسينا ءتولقۇجاتىن ساتىپ الۋعا دارىگەرگە بارادى. زاڭعا قايشى ارەكەت جاسالعان ساتتە، كىنالى ازامات سول ساتتە ۇستالادى. وسىلاي ءار مەديسينا قىزمەتكەرىن تەكسەرۋگە بولادى. ول وسىنداي 100 جالعان ءتولقۇجات جاساۋى مۇمكىن. ءبىراق 101-دە ۇستالاتىنى انىق، – دەدى ول.
پىكىر قالدىرۋ