اتىراۋدا 21 جاستاعى قىز "زورلادىڭ" دەپ ايىپ تاعامى" دەپ شىمكەنتتىك جىگىتتەن ەكى ميلليون تەڭگە اقشا بوپسالاعان، دەپ حابارلادى Polisia.kz سايتى.

سايت حابارلاماسىنا سايكەس، وقيعا بىرنەشە رەت قايتالانعان. العاشىندا بويجەتكەن جىگىتتەن 2 ميلليون تەڭگە الىپ، كەيىن ودان 1 540 000 تەڭگە سوماسىندا تاعى دا اقشا تالاپ ەتكەن.

18 جاستاعى جىگىت پوليسياعا حابارلاسىپ، ءمان-جايدى ءتۇسىندىرىپ، كومەك سۇراعان. ايتۋىنشا، قىز ونى "زورلاۋ" فاكتىسى بويىنشا ۇستىڭنەن ءىس قوزعاتامىن" دەپ قورقىتقان. الايدا جىگىت جىنىستىق قاتىناس ەكى جاقتى كەلىسىممەن بولدى دەپ اقتالعان. ەكەۋى ءتىپتى ءبىر قىزمەتتە ارىپتەس بولعان.

– ول قىز جاقسى تانىسىم، ءتىپتى شىمكەنت قالاسىنا الىپ بارىپ، اتا-اناممەن تانىستىردىم، – دەيدى جابىرلەنۋشى.

"اتىراۋ وبلىسى پوليسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى جەدەل ءىس-شارا كەزىندە كۇدىكتىنى (قىز – رەد.) جىگىتتەن 500 000 تەڭگە كولەمىندە اقشا الىپ جاتقان كەزىندە ۇستادى. تەكسەرۋ كەزىندە قىز دەسترۋكتيۆتى ءدىني اعىم وكىلى ەكەنى انىقتالدى" دەلىنگەن حابارلامادا.

ءقازىر 21 جاستاعى قالا تۇرعىنىنا قاتىستى قىلمىستىق كودەكستىڭ 194-بابى 1-بولىگى (قورقىتىپ الۋ) بويىنشا سوتقا دەيىنگى تەرگەۋ باستالدى.