دەنساۋلىق ساقتاۋ مينيسترلىگى 17 تامىز كۇنگى ەپيدەميولوگيالىق جاعدايدى مالىمدەدى.

مينيسترىك مالىمەتىنشە، قازاقستاندا وتكەن تاۋلىكتە پتر ارقىلى 7034 ادامنان كوروناۆيرۋس، 563 ادامنان پنيەۆمونيا انىقتالعان. 16 تامىزدا 116 ادام كوروناۆيرۋستان، 19 ناۋقاس پنيەۆمونيادان كوز جۇمعان.

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى  708 379-كە جەتتى. كوروناۆيرۋس بەلگىلەرى بار پنيەۆمونيامەن اۋىرعانداردىڭ رەسمي سانى – 66 381. 

18 تامىزداعى مالىمەت بويىنشا، 120 313 ادام كوروناۆيرۋس ينفەكسياسىنان (–115 214 + جانە 5 099 كۆي-) ەمدەلۋدە، ولاردىڭ ىشىندە 30 123 پاسيەنت ستاسيوناردا، 90 190 ناۋقاس امبۋلاتوريالىق دەڭگەيدە ەم قابىلداۋدا.

1840 ادامنىڭ جاعدايى اۋىر، 561 پاسيەنتتىڭ جاعدايى وتە اۋىر، 263 ناۋقاس ءوجج اپپاراتىندا جاتىر.

"قىزىل" ايماقتا: نۇر-سۇلتان، الماتى، شىمكەنت قالالارى، اقمولا، اقتوبە، الماتى، اتىراۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، پاۆلودار، سولتۇستىك قازاقستان جانە شىعىس قازاقستان وبلىستارى.

تۇركىستان وبلىسى عانا "جاسىل" ايماقتا.

17 تامىزداعى مالىمەت بويىنشا قازاقستاندا كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 6 183 445 ادام، 2-كومپونەنتىن 4 819 587 ادام سالدىرعان.