پرەمەر-مينيستر اسقار مامين ەپيدەميولوگيالىق جاعدايعا بايلانىستى ماڭعىستاۋ، اتىراۋ، قوستاناي جانە باتىس قازاقستان وبلىستارىندا ۆاكسيناسيالاۋ جۇمىستارىن كۇشەيتۋدى تاپسىردى.   

– ەپيدەميولوگيالىق جاعداي بىرتىندەپ تۇراقتالىپ كەلەدى. ۆيرۋستىڭ رەپرودۋكتيۆتى يندەكسى 0،97-نى قۇراپ وتىر. ۆاكسينانىڭ ءبىرىنشى كومپونەنتىن سالدىرعان ادامدار سانى 6،1 ميلليوننان استى. ەكىنشى كومپونەنتى 4،8 ميلليوننان استام تۇرعىنعا سالىندى. تۇركىستان وبلىسى، الماتى مەن شىمكەنت قالالارىندا ۆاكسينا سالۋ قارقىنى جاقسى. ال ماڭعىستاۋ، اتىراۋ، قوستاناي جانە باتىس قازاقستان وبلىستارىندا وسى سالاداعى جۇمىستى كۇشەيتۋ كەرەك، – دەدى مامين ۇكىمەت وتىرىسىندا.

سونىمەن قاتار ۇكىمەت باسشىسى، مۇعالىمدەرگە ۆاكسينا سالۋدى 25 تامىزعا قاراي اياقتاپ، وقۋ ورىندارىنىڭ دايىندىعىن باقىلاۋدى كۇشەيتۋ كەرەكتىگىن ايتتى.

ال دەمالىس كۇندەرى لوكداۋندار ساقتالىپ. Ashyq جۇيەسىنە قاتىساتىن كاسىپكەرلەردىڭ سانىن ارتتىرۋ قاجەتتىگىن اتاپ ءوتتى. 

رەسمي مالىمەتكە سايكەس، بۇگىندە Ashyq جۇيەسىنە قاتىساتىن بيزنەسمەندەردىڭ سانى 111 مىڭعا جەتكەن. ال حالىق اراسىندا قوسىمشانى 4 ميلليوننان استام ادام پايدالانادى.