دەنساۋلىق ساقتاۋ ءمينيسترى الەكسەي سوي بۇگىندە شەكتەۋ شارالارىنا قاراماستان توي-تومالاق تىيىلماي تۇرعانىن ايتىپ، ۇكىمەتتىڭ قاراۋىنا بىرنەشە ۇسىنىس ايتتى.
– توي-تومالاق وتكىزۋ ءالى دە جالعاسىپ جاتىر. ونداي جيىندارعا ادام كوپ جينالادى. ال سانيتارلىق ەرەجەلەر ساقتالمايدى. وسىعان بايلانىستى مونيتورينگتىك توپتاردىڭ جۇمىسىن كۇشەيتۋدى سۇرايمىن، – دەدى سوي.
ءمينيستردىڭ سوزىنشە، "Ashyq" جۇيەسىن ەنگىزگەلى "قىزىل" جانە "سارى" مارتەبەسى بار 46 067 ادام انىقتالعان. ولاردىڭ 29 930-نىڭ پتر-تەستى وڭ ناتيجە كورسەتكەن. ونداي ادامداردىڭ كوبى، ۇيدە وتىرماي، حالىق كوپ جينالاتىن جەرگە بارىپ، اينالاداعى ادامدارعا ءقاۋىپ ءتوندىرىپ ءجۇر.
بۇدان بولەك، الەكسەي سوي ەپيدەميولوگيالىق جاعدايدى ودان ارى تۇراقتاندىرۋ ءۇشىن بەرنەشە ۇسىنىس جاسادى. ولار:
- "قويۋ قىزىل" جانە "قىزىل" ايماقتاردا دەمالىس كۇنگى لوكداۋندى جالعاستىرۋ؛
- مونيتورينگتىك توپتار جۇمىسىن كۇشەيتۋ؛
- حالىقتى ۆاكسينالاۋدان كوپتەپ وتكىزۋ؛
- حالىق اراسىندا ءتۇسىندىرۋ جۇمىسىن كۇشەيتۋ؛
- كاسىپكەرلەر ۇسىنىسى نەگىزىندە "Ashyq" كوشباسشىلارى ءۇشىن ءتيىستى تالاپتاردى جەتىلدىرۋ.
پىكىر قالدىرۋ