شىمكەنت قالاسىندا 10 قازان كۇنى جامبىل اتىنداعى قازاق مەملەكەتتىك فيلارمونياسىنىڭ جانىنان قۇرىلعان ق ر مەملەكەتتىك اكادەميالىق سيمفونيالىق وركەسترىنىڭ «TURAN» فولكلورلى-ەتنوگرافيالىق ءانسامبلى «FOLK & SYMPHONY» كونسەرتىن ۇسىنادى.
ءىس-شارا ق ر تاۋەلسىزدىگىنىڭ 30 جىلدىعىنا، جىر الىبى جامبىل جابايەۆتىڭ 175 جىلدىعى جانە «رۋحاني جاڭعىرۋ» مەملەكەتتىك باعدارلاماسى اياسىندا ۇيىمداستىرىلماق.
«TURAN» فولكلورلى-ەتنوگرافيالىق ءانسامبلى 2008 جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ قابىرعاسىندا قۇرىلعان. «تۇران» – قازاق حالقىنىڭ كونەدەن كەلە جاتقان ءتول مۋزىكالىق ونەرىن قازىرگى زاماننىڭ تالعام-تانىم تارازىسىمەن قايتا جاڭعىرتۋدى ماقسات تۇتقان ۇلتتىق ەتنو-فولكلورلىق توپ. توپ – ۇلتتىق كونە اسپاپتاردىڭ ءۇنىن قايتا ءتىرىلتۋدى، جاڭا ۇندەستىك پەن ادىس-تاسىلدەردى تاۋىپ قولدانىسقا ەنگىزۋدى كوزدەيدى.
پىكىر قالدىرۋ