شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا باسقارماعا قاراستى №1 ارناۋلى الەۋمەتتىك قىزمەتتەر كورسەتۋ ورتالىعىنىڭ جۇمىسىمەن تانىستى.

جالپى ورتالىقتا كومەككە مۇقتاج، جاسى 18-دەن اسقان، I - II توپتاعى پسيحونيەۆرولوگيالىق اۋرۋلارى بار مۇمكىندىگى شەكتەۋلى ازاماتتارعا 8 باعىت بويىنشا قىزمەت كورسەتىلەدى. قازىرگى تاڭدا ورتالىقتا 225 مۇمكىندىگى شەكتەۋلى ازاماتقا كومەك كورسەتىلۋدە.

-مۇمكىندىگى شەكتەۋلى جاندارعا قولداۋ كورسەتۋ قوعامنىڭ ورتاق مىندەتى. جاقىن ارادا ورتالىق كوپفۋنكسيونالدى كەرەۋەتتەرمەن، ارنايى قۇرالدارمەن جانە مۇمكىندىگى شەكتەۋلى جانداردى تاسىمالداۋ ماقساتىندا ارنايى اۆتوكولىكپەن قامتىلدى،- دەدى باسقارما باسشىسى.

ورتالىقتا قىزمەت الۋشىلارعا بارلىق جاڭداي جاسالىنعان. مۇندا 3 مەديسينالىق بەكەت، 100 ادامعا شاقتالعان اسحانا، 2 ترەناجەرلىق زال، قىزمەت الۋشىلارعا ىڭعايلى پاندۋس پەن ليفت بار.